Kɔmɔ Yemi 2:6 - BAIBLO ALOO NGMAMI KLƆUKLƆU Ɔ

⁶ Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

Kɔmɔ Yemi 2:6 ပူးပေါင်းရင်းမြစ်များ

La 74:7

A hule o we klɔuklɔu ɔ, nɛ a mɛ he la. He nɛ a jaa mo ngɛ ɔ, a ble lejɛ ɔ.

La 76:2

E we ngɛ Yerusalem, Zion ji he nɛ e hii.

La 80:12

Mɛni he je mɔ lɛ o gbɛ piɛ ɔ ngɛ e he? Amlɔ nɛ ɔ, nɔ tsuaa nɔ nɛ bee ngɛ lejɛ ɔ gbaa ya tsɔɔ wai yiblii ɔ eko.

La 89:40

Gbogbo nɛ a fia kɛ wo ma a he ɔ, o ku lɛ tsuo pue si, nɛ mɔ ɔmɛ plɛ pee ní kokoehi.

Yesaya 1:13

Se nami ko be he kaa nyɛ maa ngɔ nyɛ bɔ ɔmɛ kɛ ba hu. Nyɛ tsopa kɛ e he via nɛ nyɛ ngɛ sãe ɔ ngɛ fu jee kɛ ngɛ mi woe. I hla we nyɛ Nyɔhiɔhe nyami be ɔmɛ, nyɛ Hejɔɔmi ligbi ɔmɛ, kɛ behi nɛ nyɛ peeɔ kpe kɛ jaa imi, nyɛ Mawu ɔ hu; yayamihi nɛ nyɛ ngɛ pee ɔ puɛ enɛ ɔmɛ tsuo.

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Yesaya 63:18

Wɔ o ma klɔuklɔu ɔ, wa hi o he klɔuklɔu ɔ be bɔɔ, kɛkɛ nɛ wa he nyɛli ba ywia o ma a!

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 45:4

“Se imi Yawɛ, nɔ́ nɛ i ma a, lɔ ɔ nɔuu i ngɛ kue ɔ nɛ; nɔ́ nɛ i du ɔ, lɔ ɔ i ngɛ hiae ɔ nɛ. Bɔ nɛ ma pee je ɔ tsuo ji nɛ ɔ nɛ.

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Kɔmɔ Yemi 1:4

Zion blɔ ɔ nɔ pee mɔbɔmɔbɔ. Nimli a nane po ngɛ blɔ ɔ nɔ; a bɛ nɛ a ba ye nyami be ɔmɛ. Nɔ ko nɔ ko ba gui ma a agbo ɔmɛ a mi. Osɔfo ɔmɛ ngɛ kɛmɛe. Yihewi ɔmɛ ngɛ nɔ́ nae. Zion hao wawɛɛ nitsɛ.

Kɔmɔ Yemi 4:16

Yawɛ hyɛ we a nɔ hu. Yawɛ nitsɛ nɛ e gbɛ mɛ ngɔ fĩa. E pee we osɔfo ɔmɛ a he akɔtaa hu, nɛ wa ma nimeli ɔmɛ hu, e nɛ mɛ mɔbɔ.

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Kɔmɔ Yemi 5:12

A nuu wa ganɔ ɔmɛ nɛ a sɛu mɛ. Wa ma nimeli ɔmɛ hu a bui mɛ fɛɛ.

Ezekiel 17:18

Somi nɛ e kɛ Babilonia matsɛ ɔ so, kɛ si nɛ e wo lɛ ɔ, e yi nɔ. Enɛ ɔmɛ a he ɔ, e yi be wami nae kɔkɔɔkɔ.”

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Zefania 3:18

kaa bɔ nɛ nihi a bua jɔɔ a he nyami be ɔ.” Yawɛ ke, “Ma je nyɛ kɛ je haomi mi, nɛ nɔ ko be nyɛ zo ɔ kaie hu.

Malaki 2:9

Enɛ ɔ he je ɔ, imi hu ma ha nɛ Israel bi ɔmɛ maa hie nyɛ, ejakaa nyɛ pee we ye suɔmi nya ní; mlaa a hu, nihi a hɛ mi lɛ nyɛ hyɛɛ kɛ tsɔɔ.”