Kɔmɔ Yemi 2:3 - BAIBLO ALOO NGMAMI KLƆUKLƆU Ɔ

³ Benɛ wa he nyɛli ɔmɛ ba tua wɔ ɔ, e piɛ we wa he, mohu ɔ, e kɛ hɛdɔ nɛ nya wa ku Israel he wami kpetekpleenyɛ ɔ nya la. E gli kɛ wo wɔ kaa la nɛ ngɛ tsoe plamplam kɛ ngɛ nɔ́ tsuaa nɔ́ hɛ mi kpatae.

Kɔmɔ Yemi 2:3 ပူးပေါင်းရင်းမြစ်များ

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

Hiob 16:15

I kpɛ kpekpe ngɔ ha ye he, nɛ i hii si ngɛ zugba kɛ ngɛ kɔmɔ yee.

La 132:17

Ma pee David nina kake matsɛ agbo ngɛ hiɛmɛ nɛ ɔ; ma to lɛ si kaa nɔ nɛ imi nitsɛ i hla, nɛ i wo lɛ matsɛ.

La 74:11

Mɛni he je lɛ o bɛ nɛ o ba piɛ wa he? Mɛni he je lɛ o bua o nine nya?

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

La 75:5

Nyɛ ko wo nyɛ he nɔ kɛ si Hiɔwe No ɔ; nyɛ ko wo nyɛ kuɛ nɔ kɛ tu he nɔ womi munyu.”

La 79:5

Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

La 89:24

Ma suɔ lɛ, ma ye lɛ anɔkuale, nɛ ma ha e maa ye kunimi daa.

La 89:46

Yawɛ, mɛni be o maa laa o he kɛ ya si? O maa laa o he kɛ maa ya neneene lo? O mi mi fumi nɛ ngɛ kaa la nɛ ngɛ tsoe ɔ, mɛni be lɛ e se maa po?

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yeremia 21:14

Se imi lɛɛ ma gbla o tue ngɛ nɔ́ nɛ o pee ɔ he. Ma mɛ o matsɛ we ɔ he la, nɛ la a maa sa nɔ́ tsuaa nɔ́ kɛ bɔle si. Imi, Yawɛ lɛ i de.”

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yeremia 48:25

Moab he wami kpetekpleenyɛ ɔ je e dɛ; a kpata Moab hɛ mi. Imi, Yawɛ lɛ i de.”

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Kɔmɔ Yemi 1:13

“Yawɛ ha la je hiɔwe ba sɛ ye wuhi a mi. E tsɔ mi klama, nɛ e ha i nɔ si; kɛkɛ nɛ e kua mi, nɛ i ngɛ aywilɛho yee daa.

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.

Ezekiel 7:14

A ma kpa titimati, nɛ nɔ tsuaa nɔ maa pee klaalo kɛ ha ta. Se nɔ ko nɔ ko be ta yae, ejakaa Mawu mi mi fumi maa ba nɔ tsuaa nɔ nɔ.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Luka 1:69

E je kpɔlɔ kpanaa nɛ ji e tsɔlɔ David nina ha wɔ.

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.