Kɔmɔ Yemi 2:22 - BAIBLO ALOO NGMAMI KLƆUKLƆU Ɔ

²² O kpee ye he nyɛli ɔmɛ kɛ ba nɛ a ba bɔle mi kaa nɔ́ nɛ a ngɛ nyami ligbi yee. Ligbi ɔ nɛ o mi mi wo la a, nɔ ko nɔ ko nyɛ we nɛ e ye e he. Ye bimɛ nɛ i lɛ, nɛ i suɔ mɛ ɔ, he nyɛli ɔmɛ gbe mɛ tsuo.

Kɔmɔ Yemi 2:22 ပူးပေါင်းရင်းမြစ်များ

Yeremia 6:25

Wa be nyɛe maa je kpo kɛ ya nga a nɔ, loo waa nyɛɛ ngɛ gbɛjegbɛ ɔmɛ a nɔ hu. Ejakaa he nyɛli ɔmɛ hɛɛ klaate, nɛ he tsuaa he pee gbeyegbeye.”

La 31:13

I nu nɛ nihi babauu ngɛ ye biɛ puɛe; gbeye níhi bɔle mi kɛ kpe. A ngɛ ye yi nɔ soe, konɛ a gbe mi.

Yeremia 46:5

Yawɛ bi ke, “Se mɛni i ngɛ hyɛe ɔ? Sawale nu Egipt tabo ɔ, nɛ a gbee senyasenya kɛ ma. A ye a ta buli kpanaa amɛ a nɔ; a kɛ gbenɔ kɛ kã tu fo kɛ ma kitikiti, nɛ a plɛ we nɛ a hyɛ a se.

Yeremia 20:3

E nɔ jena mɔtu, benɛ Pashur je mi ngɛ pã a mi ɔ, i de lɛ ke, “Pi Pashur nɛ Yawɛ wo mo! Biɛ nɛ Yawɛ ha mo ji Magormisabib.

Mose V, 28:18

“Yawɛ maa gbiɛ nyɛ bimɛ, nɛ a he be hiɛe. E maa gbiɛ nyɛ na amɛ, kɛ to ɔmɛ; a be bɔe, nɛ nyɛ zugba a hu ma gbo; nyɛ be nɔ́ kpakpa ko nae ngɛ mi.

Yesaya 28:19

E maa ba nyɛ nɔ nɔtonɔto daa mɔtu. Nyɛ maa na amanehlu nyɔ kɛ pia. Sɛ gbi he tsuaa sɛ gbi he nɛ maa je Mawu ngɔ kɛ ba a maa wo nyɛ he gbeye wawɛɛ.

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yeremia 44:7

“Lɔ ɔ he ɔ, imi Yawɛ Tabohiatsɛ, Israel Mawu ɔ, i ngɛ bie ke mɛni he je nyɛ ngɛ nyɛ nitsɛmɛ nyɛ he yayami nguaa kaa kikɛ nɛ ɔ pee? Anɛ nyɛ suɔ kaa nyɛ tsuo nyɛ hɛ mi nɛ kpata, nyumuhi, yihi, jokuɛwi, kɛ bimwɔwi, nɛ nyɛ ti nɔ ko nɔ ko nɛ ko piɛ ngɛ Yuda lo?

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”