Kɔmɔ Yemi 2:19 - BAIBLO ALOO NGMAMI KLƆUKLƆU Ɔ

¹⁹ Tee si nɛ o nya awe nyɔnyɔɔnyɔ ha Nyɔmtsɛ ɔ. Moo fa kue ha lɛ kɛ o tsui tsuo, nɛ o kpa lɛ pɛɛ nɛ e na o bimɛ ɔmɛ mɔbɔ. Hyɛ kaa hwɔ ngɛ jokuɛwi gbee ngɛ gbɛjegbɛ ɔmɛ tsuo a nɔ ngɛ he tsuaa he.

Kɔmɔ Yemi 2:19 ပူးပေါင်းရင်းမြစ်များ

Hiob 3:24

I haoɔ loko i yeɔ ní, nɛ ke i ngɛ kɛmɛe ɔ, e ngɛ kaa nyu nɛ a kpa pue si.

La 119:55

I kaiɔ mo Yawɛ nyɔ mi, nɛ i susuɔ o mlaa a he.

La 134:2

Nyɛ wo nyɛ nine nɔ ngɛ he klɔuklɔu ɔ, nɛ nyɛ je Yawɛ yi.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

La 142:2

I ngɔ ye kɔmɔ ɔmɛ tsuo kɛ ba e hɛ mi; i de lɛ ye haomi ɔmɛ tsuo.

La 142:3

Benɛ ye nine mi miɔ nɛ e wo nyu ɔ, moo lɛɛ o le ye hiami ɔ mo. Ye he nyɛli ɔmɛ tsɔ mi klama ngɛ ye blɔ ɔ mi.

La 28:2

Ke i wo ye nine nɔ kɛ tsɔɔ o we klɔuklɔu ɔ, nɛ i fa kue kɛ bi mo yemi kɛ buami ɔ, moo bu mi tue.

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

La 42:8

Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 63:4

Ma na mo si ye wami be ɔ tsuo; ma wo ye nine nɔ, nɛ ma fa kue ha mo.

Yesaya 26:9

Nyɔ mi ɔ, i hla o se blɔ kɛ ye tsui tsuo; ke o kojo je ɔ kɛ e mi bi ɔmɛ ɔ, loko a maa le nɔ́ nɛ ji dami sane yemi.

Yesaya 51:20

O bimɛ ɔmɛ gbɔjɔ, nɛ a hɛli kɛ pueɔ si ngɛ gbɛjegbɛ ɔ nɔ kaa bayelɔ nɛ du klama. Yawɛ, o Mawu ɔ gbla o tue wawɛɛ nitsɛ.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 9:20

I de ke, “Nyɛ yi ɔmɛ, nyɛɛ bu Yawɛ tue, nɛ nyɛɛ ye e munyu ɔmɛ a nɔ. Nyɛɛ tsɔɔ nyɛ biyi ɔmɛ kɔmɔ yemi, kɛ nyɛ huɛmɛ ɔmɛ ya la lami.

Ezekiel 5:10

Bɔ nɛ e maa ba ji kaa fɔli ngɛ Yerusalem maa ye mɛ nitsɛmɛ a bimɛ, nɛ bimɛ ɔmɛ hu maa ye a fɔli. Ma gbla o tue wawɛɛ; nɛ nihi nɛ a yi ma na wami ɔ, ma gbɛ mɛ ngɔ fĩa je ɔ mi tsuo.

Ezekiel 5:16

Ma ha nɛ nyɛ niye ní se maa po kulaa. Hwɔ maa ye nyɛ, nɛ nyɛ maa nu hwɔ ɔ he wawɛɛ kaa nɔ́ nɛ kɛ̃ɛ̃ mi bihi kɛ a nya duɔ nɛ i ngɔ kɛ ngɛ nyɛ hɛ mi kpatae.

Mika 1:16

Yuda bi, nyɛ sã nyɛ yi nɔ, nɛ nyɛɛ ye kɔmɔ ha nyɛ bimɛ nɛ nyɛ suɔ mɛ ɔ. Nyɛ ngmla nyɛ yi kaa okpokuhi, ejakaa a ma ba ngɔ nyɛ bimɛ ɔmɛ nyɔguɛ kɛ je nyɛ he.

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Mateo 14:25

Makɛ maa pee ngmlɛ eywiɛ mi ɔ, Yesu ji nɛ ɔ nɛ nyɛɛ wo ɔ hɛ mi kɛ ma kaseli ɔmɛ a ngɔ.

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.

Marko 13:35

Lɔ ɔ he ɔ, nyɛɛ hyɛ saminya, ejakaa nyɛ li be mi nɛ wetsɛ ɔ ma; eko ɔ gbɔkuɛ, loo nyɔ mi kpɛti, loo kungwɔ nɔ kpami be, loo mɔtu,

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Manyadali 7:19

Gideon kɛ nyumuhi lafa nɛ piɛ e he ɔ ya su ta a he nyɔ mi bumi be ɔ sisi jemi, benɛ a tsake buli ɔmɛ se pɛ. A kpa titimati ɔmɛ, nɛ a ywia kplu ɔmɛ nɛ a hɛɛ ngɛ a dɛ mi ɔ.

Samuel I, 1:15

Se Hana he nɔ ke, “Dɛbi, ye nyɔmtsɛ, i nui wai, loo dã ko nɛ nya wa. Yo nɛ e haomi kle ji mi, nɛ i kɛ ye haomi ɔ ba pue Yawɛ hɛ mi kɛ kue fami.

Samuel I, 7:6

Lɔ ɔ he ɔ, ma a tsuo ba bua a he nya ngɛ Mizpa. A yɛ nyu kɛ pue si ngɛ Yawɛ hɛ mi, nɛ a ha hwɔ jamɛ a ligbi ɔ tsuo, nɛ a de ke, “Wa pee yayami kɛ si Yawɛ.” Mizpa ji he nɛ Samuel hyɛɛ Israel bi ɔmɛ a kpɛti sanehi a mi haa mɛ ngɛ.