Kɔmɔ Yemi 2:17 - BAIBLO ALOO NGMAMI KLƆUKLƆU Ɔ

¹⁷ Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Kɔmɔ Yemi 2:17 ပူးပေါင်းရင်းမြစ်များ

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

La 35:24

Yawɛ, ye Mawu, mo nɛ o yeɔ dami sane. Moo wo mi nguɔ koo! Ko ha nɛ ye he nyɛli nɛ muɔ mi.

La 35:26

Nihi nɛ hii nyae be mi nɛ i ngɛ nɔ́ nae ɔ, ha nɛ zo nɛ gbe mɛ, nɛ a pee basabasa. Ni nɛmɛ nɛ susuɔ kaa mɛɛ a hi pe mi ɔ, ha nɛ zo nɛ gbe mɛ kpɔtɔɔ, nɛ a hɛ mi nɛ pue si.

La 38:16

Ye kue fami kɛkɛ ji, “Ko ha nɛ ye he nyɛli ɔmɛ nɛ a na bua jɔmi; ko ha nɛ a ye ye hɛe fɛu ngɛ ye nɔ́ nami be nɛ ɔ mi.”

La 89:42

O ha nɛ e he nyɛli ɔmɛ ye kunimi, nɛ mɛ tsuo a na bua jɔmi.

La 89:43

Ee, o ha nɛ e ta hwumi ní ɔmɛ pee yaka, nɛ e nyɛ we ta a nya nɛ e da.

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 4:28

Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Yeremia 40:3

Amlɔ nɛ ɔ, Yawɛ ná pee nɔ́ nɛ e de to ke e maa pee ɔ. Nɔ́ nɛ ɔ ba nyɛ nɔ, ejakaa nyɛ pee yayami kɛ si Yawɛ, nɛ nyɛ bui lɛ tue.

Kɔmɔ Yemi 1:5

E he nyɛli ɔmɛ ye kunimi; a nine su e nɔ jehanɛ. Yawɛ lɛ ha nɛ e ngɛ nɔ́ nae ngɛ yayami babauu nɛ e pee ɔ he. E he nyɛli ɔmɛ nuu e bimɛ ɔmɛ nyɔguɛ kɛ ho.

Kɔmɔ Yemi 2:8

Yawɛ to e yi mi kaa a ku Zion gbogbo ɔmɛ ngɔ pue si. E susu a kami kɛ blimi kɛ to, bɔ nɛ pee nɛ a kpata nɔ́ tsuaa nɔ́ hɛ mi pɛsɛpɛsɛ. Amlɔ nɛ ɔ, mɔ ɔmɛ, kɛ gbogbo ɔmɛ tsuo ku kɛ pueɔ si.

Kɔmɔ Yemi 3:43

“O kɛ abofu nɛ nya wa nyɛɛ wa se, nɛ o ba gbe wɔ; o nɛ wɔ mɔbɔ kulaa.

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Ezekiel 9:10

Se i be mɛ mɔbɔ nae; i be a yi bae. Bɔ nɛ a pee ni kpa amɛ ɔ, ja pɛpɛɛpɛ ma pee mɛ.”

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Mika 2:3

Enɛ ɔ he je ɔ, Yawɛ ke, “I to nɛ i kɛ haomi maa ba nyɛ nɔ, nɛ nyɛ he be mi jee. Ke haomi nɛ ɔ na ba nyɛ nɔ ɔ, nyɛ be nyɛ he nɔ woe hu gblegbleegble.

Zefania 1:2

Yawɛ ke, “Ma kpata nɔ́ tsuaa nɔ́ hɛ mi ngɛ je ɔ mi:

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”