Kɔmɔ Yemi 2:14 - BAIBLO ALOO NGMAMI KLƆUKLƆU Ɔ

¹⁴ O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Kɔmɔ Yemi 2:14 ပူးပေါင်းရင်းမြစ်များ

Ezekiel 22:28

Gbali ɔmɛ laa yayamihi a nɔ kaa bɔ nɛ a kɛ kalo saa gbogbo he. Lakpa ninahi a naa, nɛ a gbami ɔmɛ hu lakpa sɔuu. A deɔ ke Nyɔmtsɛ Yawɛ lɛ tsɔ mɛ, be mi nɛ imi Yawɛ, i de we mɛ nɔ́ ko kulaa.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Ezekiel 22:25

Nyɛ ganɔ ɔmɛ ya so, nɛ a pee a he kaa jata nɛ ngɛ huãe nɛ ngɛ lohwe nɛ e gbe mi tsɔtslɔɔe. A gbee nihi, nɛ a ngɔɔ a sika, kɛ a weto ní tsuo ngɛ a dɛ. Nyumuhi babauu nɛ a gbe ɔ ha yalɔyihi hu a he ba hiɛ ngɛ ma a mi.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Zefania 3:4

Gbali ɔmɛ ɔ, biɛ kɛkɛ lɛ tsɛɛ mɛ; lakpatsɛmɛ sɔuu ji mɛ. Osɔfo ɔmɛ plɛɔ mlaa amɛ a hɛ mi kɛ buɔ si bɔ nɛ maa da mɛ, nɛ a bleɔ níhi nɛ a ngɛ klɔuklɔu ɔ.

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

Yeremia 37:19

O gbali ɔmɛ nɛ de mo ke Babilonia matsɛ ɔ be bae nɛ e ba tua mo, loo zugba nɛ ɔ, jije a ngɛ?

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.

Yeremia 23:36

Se ‘Yawɛ tlomi’ ɔ lɛɛ, nyɛ ko wo nɔ ta; nɔ tsuaa nɔ munyu maa pee nɔ ɔ nitsɛ tlomi. Mawu hɛ kalɔ ɔ, Yawɛ Tabohiatsɛ, wa Mawu ɔ munyu ɔmɛ lɛɛ nyɛ tsake a hɛ mi.

Yeremia 23:22

A le nɔ́ nɛ ngɛ ye yi mi jinɛ a ko fiɛ ha ye ma a. Ke a pee ja a, ye ma a maa je a blɔ yayami ɔmɛ a nɔ, nɛ a ní yayami ɔmɛ hu a ma kpa peemi.

Yeremia 20:6

Nɛ mo Pashur! A maa nuu mo hu o kɛ o we mi bimɛ tsuo nyɔguɛ kɛ ya Babilonia. Lejɛ ɔ o ma ya gbo ngɛ, nɛ lejɛ ɔ ji he nɛ a maa pu mo, kɛ o huɛmɛ ɔmɛ tsuo nɛ o gba lakpa gbami ha mɛ ɔ ngɛ.’ ”

Yeremia 29:21

“Kolaya bi Ahab, kɛ Maaseya bi Zedekia nɛ a ngɛ lakpa gbami gbae ngɛ ye biɛ mi kɛ ngɛ nyɛ hae ɔ, bɔ nɛ Yawɛ Tabohiatsɛ, Israel Mawu ɔ de ngɛ a he ji nɛ ɔ nɛ. E ke e maa ngɔ mɛ kɛ wo Babilonia matsɛ, Nebukadnezar dɛ, nɛ Nebukadnezar maa gbe mɛ ngɛ nyɛ hɛ mi.

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Ezekiel 23:36

Yawɛ de mi ke, “Nɔmlɔ adesa, anɛ o maa kojo Ohola kɛ Oholiba lo? Lɛɛ, tsɔɔ mɛ ní hiemi níhi gbegbeegbe nɛ a pee ɔ.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.