Kɔmɔ Yemi 2:13 - BAIBLO ALOO NGMAMI KLƆUKLƆU Ɔ

¹³ Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Kɔmɔ Yemi 2:13 ပူးပေါင်းရင်းမြစ်များ

Samuel II, 5:20

David pue nɔ kɛ ho Baal Perazim ya nɛ e ya ye Filisti bi ɔmɛ a nɔ kunimi ngɛ lejɛ ɔ; nɛ e de ke, “Yawɛ gba blɔ kɛ gblee ye he nyɛli ɔmɛ a ta a mi ngɛ ye hɛ mi kaa pa nɛ hia lalaala kɛ bee.” Enɛ ɔ he je nɛ e wo lejɛ ɔ biɛ ke Baal Perazim ɔ nɛ.

Matsɛmɛ II, 19:21

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: Asiria matsɛ, Zion biyo yomiyo ɔ ngɛ mo muɔe oo! E ngɛ o he fɛu yee. Yerusalem biyo ɔ ngɛ e yi mimiɛe ngɛ o se.

La 60:2

O ha zugba a mimiɛ, nɛ e mi gba hatoo; moo tsi e hehi nɛ wo muɔ ɔ, ejakaa e ngɛ gbɛe kulaa.

Yesaya 37:22

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: “Asiria matsɛ, Zion biyo, yomiyo ɔ ngɛ mo muɔe oo!

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 8:22

Anɛ tsopa be Gilead lo? Tsopatsɛ ko be lejɛ ɔ lo? Mɛni he je mɔ nɛ a tsa we ye ma mi bi ɔmɛ lolo ɔ?

Yeremia 9:18

Ma a de ke, “Nyɛ de mɛ nɛ a pee esɔ nɛ a ba wo yana ha wɔ, kɛ yaa si wa hɛngmɛ ɔmɛ maa tɔ nyu, nɛ wa hɛngmɛ se maa fuu kɛ ya fomi sɔuu.”

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Ezekiel 32:31

“Ke Egipt matsɛ ɔ kɛ e tabo ɔ na nihi babauu nɛ a gbe ngɛ ta a mi nɛ ɔ, a bua maa jɔ.” Nyɔmtsɛ Yawɛ lɛ de.

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.