Kɔmɔ Yemi 2:11 - BAIBLO ALOO NGMAMI KLƆUKLƆU Ɔ

¹¹ I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Kɔmɔ Yemi 2:11 ပူးပေါင်းရင်းမြစ်များ

Hiob 16:13

E tsɛ̃ɔ mi kɛ̃ɛ̃ kɛ jeɔ he tsuaa he. Kɛ̃ɛ̃ mi bi ɔmɛ sɛɛ ye he womi mi, nɛ a plaa mi; se Mawu nɛ mi mɔbɔ.

Hiob 30:27

Ye tsui ngɛ fiae wawɛɛ ngɛ ye mi mi; ye haomi ligbi ɔmɛ hiɛ tsɔ.

La 119:82

Ye hɛngmɛ tlɔ blɔ; i hyɛ blɔ hluu kaa o maa ye o siwo ɔ nɔ lo. Lɔ ɔ he ɔ, i ngɛ bie ke, “Mɛni be po nɛ o ma ha ye bua maa jɔ?”

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

La 31:9

Yawɛ, naa mi mɔbɔ, ejakaa i ngɛ haomi mi. Aywilɛho sɔuu ha nɛ ye hɛngmɛhi fuu; ye nɔmlɔ tso ɔ hu gbɔjɔ.

La 38:8

Imi nɔmlɔ ɔ tsuo i gbɔjɔ, nɛ i ku; ye tsui ngɛ fiae, nɛ i ngɛ kɛmɛe.

La 6:7

Ye he nyɛli ɔmɛ haoɔ mi. Kɔmɔ yemi sɔuu puɛ ye hɛngmɛ, nɛ i hyɛ we nɔ́ kpakpa ko hu.

La 69:3

I kpa ngmlaa kɛ tsɛ balɔ hluu nɛ pɔ tɔ mi, nɛ ye kuɔ si kpɔ; i hyɛ blɔ hluu kɛ ya si ye hɛngmɛ se gbo.

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yesaya 38:14

Ye gbi mia, he wami ko be hu. I ngɛ kɛmɛe kaa beleku lahuɛ. I hyɛ hiɔwe hluu kɛ ya si pɔ tɔ ye hɛngmɛ he. Nyɔmtsɛ, i kpa mo pɛɛ, e fi mi; jé mi kɛ je haomi nɛ ɔ mi.

Yesaya 51:20

O bimɛ ɔmɛ gbɔjɔ, nɛ a hɛli kɛ pueɔ si ngɛ gbɛjegbɛ ɔ nɔ kaa bayelɔ nɛ du klama. Yawɛ, o Mawu ɔ gbla o tue wawɛɛ nitsɛ.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yeremia 44:7

“Lɔ ɔ he ɔ, imi Yawɛ Tabohiatsɛ, Israel Mawu ɔ, i ngɛ bie ke mɛni he je nyɛ ngɛ nyɛ nitsɛmɛ nyɛ he yayami nguaa kaa kikɛ nɛ ɔ pee? Anɛ nyɛ suɔ kaa nyɛ tsuo nyɛ hɛ mi nɛ kpata, nyumuhi, yihi, jokuɛwi, kɛ bimwɔwi, nɛ nyɛ ti nɔ ko nɔ ko nɛ ko piɛ ngɛ Yuda lo?

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Kɔmɔ Yemi 1:11

E we bi ɔmɛ ngɛ kɛmɛe kɛ ngɛ nɔ́ ko hlae nɛ a ye. A ngɔ a juetli ɔmɛ kɛ tsake niye ní, konɛ a yi nɛ na wami. Ma a ngɛ kue fae ke, “Yawɛ, moo hyɛ nɛ o na mi mɔbɔ, ejakaa ye he guɛ gbo!”

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:20

“Yawɛ lee, hyɛ bɔ nɛ i ngɛ haoe ha; i ngɛ he hiami mi wawɛɛ, nɛ ye tsui ngɛ mi yee. I tsɔ o hɛ mi atuã. A ngɛ nihi gbee ngɛ gbɛjegbɛ ɔmɛ a nɔ; jã kɛ̃ nihi ngɛ gboe ngɛ we ɔmɛ a mi hulɔ.

Kɔmɔ Yemi 5:17

Enɛ ɔ ha nɛ wa ngɛ wa tsui yee wawɛɛ, nɛ wa vo nyu ɔ ha we nɛ waa hyɛ nɔ́ kpakpa ko hu;

Luka 23:29

Ejakaa be ma nɛ a ma de ke, ‘Yosahi, kɛ yihi nɛ a mi mi wui ngma, kɛ ni nɛmɛ nɛ ha we nyɔ hyɛ ɔ, a he ngɛ ní pɛ!’

Samuel I, 30:4

Kɛkɛ nɛ David kɛ e we bi ɔmɛ wo yana hluu kɛ ya si a he wami ta.