Kɔmɔ Yemi 2:10 - BAIBLO ALOO NGMAMI KLƆUKLƆU Ɔ

¹⁰ Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Kɔmɔ Yemi 2:10 ပူးပေါင်းရင်းမြစ်များ

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yesaya 15:3

A bu kpekpe ya bo kɛ nyɛɛ gbɛjegbɛ ɔmɛ a nɔ, nɛ a wo yana ngɛ ma kpe he ɔmɛ kɛ a tsu ɔmɛ a yi mi.

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Ezekiel 7:18

A ma bu kpekpe ya bo; sawale maa nu mɛ. A ma sã mɛ tsuo a yi nɔ ha mɛ, nɛ zo maa gbe mɛ kpɔtɔɔ.

Kɔmɔ Yemi 3:28

Ke wa ngɛ amanehlu nae ɔ, e sa kaa waa pee dii, nɛ waa to wa tsui si.

Kɔmɔ Yemi 1:4

Zion blɔ ɔ nɔ pee mɔbɔmɔbɔ. Nimli a nane po ngɛ blɔ ɔ nɔ; a bɛ nɛ a ba ye nyami be ɔmɛ. Nɔ ko nɔ ko ba gui ma a agbo ɔmɛ a mi. Osɔfo ɔmɛ ngɛ kɛmɛe. Yihewi ɔmɛ ngɛ nɔ́ nae. Zion hao wawɛɛ nitsɛ.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

Amos 8:13

Pi enɛ ɔ kɛkɛ. Jamɛ a ligbi ɔ, nihewi kɛ yihewi tsuãã po, kuma maa ye mɛ nɛ a ma tsɔ fia si!

Amos 5:13

Lɔ ɔ he ɔ, ní lelɔ ɔ, nɔ́ nɛ sa nɛ e pee ngɛ kikɛmɛ a be yaya nɛ ɔmɛ a mi ji, e ma e nya nɛ e ko tu munyu.

Yoel 1:8

Nyɛ nya awe kaa bɔ nɛ yomiyo nyɛɛ ya kɛ haa nyumu nɛ na we nɛ e kpee lɛ loko e gbo ɔ.

Ezekiel 27:31

A sɛ a yi kpalokpalo; a ha kpekpe ya bo kɛ ngɛ aywilɛho yee; a ngɛ ya nyɛe wawɛɛ ha mo.

Kɔmɔ Yemi 5:14

Nimowihi hí si ngɛ ma agbo nya hu, nɛ nihewi fiɛ we do hu.

Kɔmɔ Yemi 5:12

A nuu wa ganɔ ɔmɛ nɛ a sɛu mɛ. Wa ma nimeli ɔmɛ hu a bui mɛ fɛɛ.

Kɔmɔ Yemi 4:16

Yawɛ hyɛ we a nɔ hu. Yawɛ nitsɛ nɛ e gbɛ mɛ ngɔ fĩa. E pee we osɔfo ɔmɛ a he akɔtaa hu, nɛ wa ma nimeli ɔmɛ hu, e nɛ mɛ mɔbɔ.

Kɔmɔ Yemi 4:5

Nihi nɛ ye ní kpakpahi be ko nɛ be ɔ, amlɔ nɛ ɔ, a hɛ mi kpata ngɛ gbɛjegbɛ ɔmɛ a nɔ. Nihi nɛ a lɛ mɛ ngɛ he kpakpahi be ko nɛ be ɔ, amlɔ nɛ ɔ, a ngɛ si kukuɔe ngɛ kuku nɔ.

Yeremia 8:14

Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Yesaya 47:5

Yawɛ ngɛ Babilon dee ke, “Hii si dii ngɛ diblii mi; a be mo tsɛe ke je ma amɛ a manyɛ hu.

Yesaya 36:22

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Samuel II, 13:19

Tamar muɔ la zu kɛ pue e yi mi, nɛ e hía tade klɔii saminyayoo ɔ nɛ e wo ɔ. E kɛ e nine kpla e yi, nɛ e ma blɔ; nɛ e ngɛ ya foe boboobo kɛ ho.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

Ezekiel 27:30

Mɛ tsuo a ngɛ ya foe wawɛɛ ha mo; a ngɔ zu kɛ pue a yi mi, nɛ a ngɛ si wuwluae ngɛ la zu mi.

Yona 3:6

Benɛ Nineve matsɛ ɔ nu he ɔ, e te si ngɛ e sɛ ɔ nɔ. E kpa e he ablade bo ɔ, nɛ lɛ hu e bu kpekpe ya bo, nɛ e hi si ngɛ la zu mi ngɛ zugba.