Kɔmɔ Yemi 2:1 - BAIBLO ALOO NGMAMI KLƆUKLƆU Ɔ

¹ Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Kɔmɔ Yemi 2:1 ပူးပေါင်းရင်းမြစ်များ

La 132:7

Wa de ke, “Nyɛ ha waa ya Yawɛ we ɔ nɛ wa ya kpla si ngɛ e matsɛ sɛ ɔ hɛ mi!”

Kronika I, 28:2

Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.

Luka 10:18

Yesu he nɔ ke, “I na Satan nɛ je hiɔwe ba nɔ si kaa oslabai nɛ tsɔ.

Mateo 11:23

Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Ezekiel 30:18

Ma kpɔ Egipt he wami ɔ ngɛ e dɛ, nɛ e he nɔ womi babauu ɔ se maa po; jamɛ a be ɔ, diblii maa wo ngɛ Tafanes piani katakata. Amanehlu maa pee kaa bɔku nɛ ha Egipt zugba a nɔ, nɛ a maa nuu e ma amɛ a mi bi ɔmɛ tsuo nyɔguɛ.

La 99:5

Nyɛ je Yawɛ, wa Mawu ɔ yi! Nyɛ kpla si ngɛ e matsɛ sɛ ɔ hɛ mi nɛ nyɛ ja lɛ. Mawu klɔuklɔu ji lɛ!

Luka 10:15

Nɛ mo Kapernaum! Tse o hla kaa o ma wo o he nɔ kɛ ya hiɔwe lokoo! Yoo, a maa ngɔ mo ngɔ fia si, nɛ o hɛ mi ma kpata!”

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Samuel II, 1:19

“A gbe wa ta hɛ mi nyɛɛli ɔmɛ ngɔ pue Israel yo ɔmɛ a nɔ. Wa ta buli kpanaa amɛ gbo!

Samuel I, 4:21

E wo jokuɛ nyumuyo ɔ biɛ ke Ikabod ngɛ Mawu somi daka a nɛ a kpɔ ɔ, kɛ e ngatsɛ ɔ, kɛ e huno ɔ nɛ a gbo ɔ he. Ikabod sisi ji, “Israel hɛ mi nyami ɔ je.”

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Ezekiel 19:12

Se a kɛ abofu hia wai tso nɛ ɔ, nɛ a sake lɛ ngɔ fɔ si. Ahlabata kɔɔhiɔ fia, nɛ e ha nɛ tso ɔ gbli, nɛ e yiblii tsuo kplɔ pue si; tso agbo ɔ nitsɛ hu gbli, nɛ a kɛ la sã.

Samuel I, 4:22

E de ke, “Israel hɛ mi nyami ɔ je, ejakaa a kpɔ Mawu somi daka a.”

La 89:45

O po e nihe mi be ɔ nɔ kpiti, nɛ o ha nɛ e hɛ mi pue si.

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.