Kɔmɔ Yemi 1:8 - BAIBLO ALOO NGMAMI KLƆUKLƆU Ɔ

⁸ Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Kɔmɔ Yemi 1:8 ပူးပေါင်းရင်းမြစ်များ

Mose I, 3:7

Benɛ a ye tso yiblii ɔ pɛ nɛ mɛ ni enyɔ ɔmɛ tsuo a na anɔkuale ɔ; a na kaa a hɛɛ a he gu, nɛ a kpɛ ba kɛ pee bo nɛ a kɛ ha a mlɛ mi.

Matsɛmɛ I, 9:6

Se ke mo, loo o nina jɔɔ ye se nyɛɛmi, ke nyɛ yi mlaa amɛ nɛ i wo nyɛ ɔ, kɛ blɔ nya tomi ɔmɛ a nɔ, nɛ nyɛ ya sɔmɔ mawu kpahi nɛ nyɛ ja mɛ ɔ,

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Matsɛmɛ I, 9:9

Nɛ nihi ma he nɔ ke, ‘Ejakaa a kua Yawɛ, a Mawu ɔ nɛ je mɛ kɛ je Egipt zugba a nɔ ɔ. A kɛ a he ya mɛtɛ mawu kpahi a he; a ja mɛ, nɛ a sɔmɔ mɛ. Enɛ ɔ he je nɛ Yawɛ kɛ haomi nɛ ɔ ba a nɔ ɔ nɛ.’ ”

Yesaya 47:3

Nihi maa na o he gu ɔ; a maa na o zo kpɔtɔɔ ɔ. Ma ha tue gblami maa ba, nɛ nɔ ko nɔ ko be ye nya tsie.”

Yeremia 13:22

Ke o bi o he ke, “Mɛni he je ní nɛ ɔmɛ tsuo ba ye nɔ” ɔ, heto ɔ ji, o he yayami babauu ɔ he je nɛ he nyɛli ba pee mo kikɛ nɛ ɔ kaa yo nɛ nyumu kpa e he bo, nɛ e bɔ lɛ ahlua a nɛ.

Yeremia 13:26

Yawɛ nitsɛ ma kpa nyɛ he bo, nɛ nyɛ we ahlua maa je kpo.

Yeremia 15:4

Nɔ́ nɛ Yuda matsɛ, Manase, Hezekia bi ɔ pee benɛ e ngɛ tsɛ yee ngɛ Yerusalem he je ɔ, ma gbla a tue wawɛɛ nitsɛ, nɛ nɔ́ nɛ ɔ ma ha nɛ je ma amɛ tsuo maa ye gbeye.”

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yeremia 6:28

Mɛ tsuo pɛpɛɛpɛ atuã tsɔli, kɛ yakayaka nimli ji mɛ; a tue wa kaa akɔblee kɛ dade. Daa nɛ ɔ, a ngɛ nihi a sisi nyɛɛe kɛ ngɛ bee.

Kɔmɔ Yemi 1:11

E we bi ɔmɛ ngɛ kɛmɛe kɛ ngɛ nɔ́ ko hlae nɛ a ye. A ngɔ a juetli ɔmɛ kɛ tsake niye ní, konɛ a yi nɛ na wami. Ma a ngɛ kue fae ke, “Yawɛ, moo hyɛ nɛ o na mi mɔbɔ, ejakaa ye he guɛ gbo!”

Kɔmɔ Yemi 1:17

“Imi Zion, i wo ye nine nɔ, konɛ a ye bua mi, se balɔ ko ba ji ngmlaa ha mi. Yawɛ ha nɛ mahi nɛ bɔle imi Yakob, ba pee ye he nyɛli. Yerusalem ba pee nɔ́ nɛ a hiee.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Kɔmɔ Yemi 4:21

Nyɛ Edom bi nɛ ngɛ Uz zugba a nɔ, nyɛ nya, nɛ nyɛ bua nɛ jɔ nyɛ he bɔ nɛ nyɛ ma nyɛ. Se mohu nyɛ na nɛ nyɛɛ le kaa nyɛ hu a maa gbla nyɛ tue. Nyɛ maa hɛɛ nyɛ he gu, nɛ nyɛ maa hi nyɛɛe kɛ zo kaa nihi nɛ tɔ dã.

Ezekiel 23:29

a kɛ mo maa ye kaa a he nyɛlɔ. Níhi babauu nɛ o gbo he dengme ɔ tsuo a maa muɔ kɛ ho, nɛ a ma si mo ngɔ fɔ si kɛ o he gu saplapaa. Kɛkɛ ɔ, nihi maa na o yahomi, kɛ ajuama bɔmi basaa a tsuo paa. O pee o he yaholɔ,

Ezekiel 23:46

Bɔ nɛ Yawɛ ngɛ dee ji nɛ ɔ nɛ: “Ma ha yakayaka nimli babauu ma ba wo a he gbeye, nɛ a maa ha a níhi.

Ezekiel 39:23

Je ma amɛ hu maa le kaa imi lɛ i ha Israel bi ɔmɛ ya hi ma se kaa nyɔguɛhi, ejakaa a pee yayami kɛ si mi. I kua mɛ, i ha a he nyɛli ba ye a nɔ ngɛ ta mi, nɛ a gbe mɛ.

Hosea 2:10

Ma kpa bo ngɛ e he ngɛ e pla amɛ a hɛ mi paa; nɛ nɔ ko nɔ ko be nyɛe ma kpɔ lɛ.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.