Kɔmɔ Yemi 1:7 - BAIBLO ALOO NGMAMI KLƆUKLƆU Ɔ

⁷ Benɛ Yerusalem ngɛ nɔ́ nae wawɛɛ ngɛ ma se ɔ, e kai e blema si himi, kɛ ní kpakpahi tsuo nɛ e ná a. Benɛ he nyɛli ɔmɛ a nine su e nɔ ɔ, nɔ ko nɔ ko ba ji ngmlaa ha lɛ. He nyɛli ɔmɛ ye e he fɛu, nɛ a bɔ lɛ ahlua ngɛ si nɛ e nɔ ɔ he.

Kɔmɔ Yemi 1:7 ပူးပေါင်းရင်းမြစ်များ

Hiob 29:2

I na nɛ i ngɛ kaa bɔ nɛ i ngɛ sa a nɛ Mawu buɔ ye he ɔ.

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

La 77:3

Benɛ ye hɛ ba Mawu nɔ, nɛ i bɔni ye yi mi susumi ɔ, ye susuma hao, nɛ i fa huu.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

Yesaya 64:10

O ma klɔuklɔu ɔ plɛ pee nga kplanaa. Zion plɛ pee nga nɔ, nɛ Yerusalem pee ma doku.

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Yeremia 37:7

ma ya de Zedekia ke, “Farao ɔ tabo ɔ nɛ ba piɛ o he ɔ maa kpale a se kɛ ya mɛ nitsɛmɛ a zugba nɔ ngɛ Egipt.

Yeremia 48:27

Tse Israel plɛ pee muɔ nɔ́ ha mo? Israel ɔ, anɛ juli a kpɛti a naa lɛ ngɛ lo? Be tsuaa be nɛ o maa tu Israel he munyu ko ɔ, o maa tuu, ma mimiɛ o yi! Pi ja lo?

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Ezekiel 25:3

De Amon bi ɔmɛ ke á bu nɔ́ nɛ imi Nyɔmtsɛ Yawɛ, i ngɛ mɛ dee ɔ tue. Benɛ a ble ye he klɔuklɔu ɔ, nɛ a ha Israel zugba a nɔ je gu, nɛ a nuu Yuda bi ɔmɛ kɛ ho ma se ya a, nyɛ muɔ nɛ nyɛ de ke, ‘Yiɛɛ!’

Ezekiel 25:6

“Bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: O fia o dɛ mi, nɛ o si si. O bui Israel zugba a, ejakaa o ngɛ e he juɛmi yaya.

Hosea 2:7

E ma ya hla e pla amɛ a se blɔ, se e nine be a nɔ sue. E ma hla mɛ hluu, se e be mɛ nae. Kɛkɛ ɔ, e ma de ke, “Ma kpale kɛ ya ye huno momo ɔ ngɔ. Benɛ i kɛ lɛ ngɛ ɔ, níhi a mi hi ha mi kulaa pe piɔ.”

Mika 4:11

Je mahi babauu ba bua ngɔ wo nyɛ he konɛ a tua nyɛ. A ke, “Ja wa kpata Yerusalem hɛ mi! Wa maa na kɛ wa hɛngmɛ kaa ma nɛ ɔ pee ma doku!”

Luka 15:17

Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.