Kɔmɔ Yemi 1:6 - BAIBLO ALOO NGMAMI KLƆUKLƆU Ɔ

⁶ Yerusalem he fɛu ɔ pee kaa blema nɔ́ ko nɛ be kɛkɛ. E ma nimeli ɔmɛ ngɛ kaa batslɔɔhi nɛ hwɔ ngɛ mɛ yee, nɛ a pee wudɔwudɔ kɛ ngɛ fo tue ngɛ de dali a nya.

Kɔmɔ Yemi 1:6 ပူးပေါင်းရင်းမြစ်များ

Matsɛmɛ II, 19:21

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: Asiria matsɛ, Zion biyo yomiyo ɔ ngɛ mo muɔe oo! E ngɛ o he fɛu yee. Yerusalem biyo ɔ ngɛ e yi mimiɛe ngɛ o se.

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Matsɛmɛ II, 25:5

Babilonia tabo ɔ nyɛɛ Zedekia se nɛ a ya nu lɛ ngɛ Yeriko nga a nɔ; e ta buli ɔmɛ tsuo gbɛ fĩa kɛ je e he.

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

La 96:9

Nyɛɛ pee klɔuklɔu nɛ nyɛ ja Yawɛ; nyɛ je ɔ tsuo, nyɛ he nɛ do blibliibli ngɛ e hɛ mi.

Yesaya 1:21

Ma nɛ sa a, e yeɔ anɔkuale ɔ, jehanɛ lɛɛ hyɛ, e ngɛ e ní pee kaa yaholɔ! Sa be ko ɔ, nimli nɛ peeɔ nɔ́ nɛ da nɛ a hyi ma a mi tɔ, se jehanɛ lɛɛ awi yeli sɔuu lɛ piɛ ngɛ ma a mi.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Yeremia 29:4

“Nihi tsuo nɛ Yawɛ Tabohiatsɛ, Israel Mawu ɔ ha nɛ a nuu kɛ je Yerusalem kɛ ho Babilonia ya a, bɔ nɛ Yawɛ ngɛ mɛ dee ji nɛ ɔ nɛ:

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Yeremia 48:41

A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Yeremia 52:11

Lɔ ɔ se ɔ, e ta Zedekia hɛngmɛhi; e bɔ lɛ pã, nɛ e ngɔ lɛ kɛ ya Babilon, nɛ e ya wo lɛ tsu. Zedekia hi tsu ɔ mi kɛ ya si e gbenɔ ligbi.

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Ezekiel 24:25

“Nɛ mo, nɔmlɔ adesa, jamɛ a ligbi ɔ nɛ ma kpɔ a he wami ɔ ngɛ a dɛ, nɛ a bua jɔmi, a hɛ mi nyami, kɛ afɛu nɔ́, kɛ nɔ́ nɛ a suɔ kɛ a tsui tsuo ɔ maa laa mɛ ɔ, a binyumuhi, kɛ a biyihi tsuo a hɛ mi ma kpata.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.