Kɔmɔ Yemi 1:5 - BAIBLO ALOO NGMAMI KLƆUKLƆU Ɔ

⁵ E he nyɛli ɔmɛ ye kunimi; a nine su e nɔ jehanɛ. Yawɛ lɛ ha nɛ e ngɛ nɔ́ nae ngɛ yayami babauu nɛ e pee ɔ he. E he nyɛli ɔmɛ nuu e bimɛ ɔmɛ nyɔguɛ kɛ ho.

Kɔmɔ Yemi 1:5 ပူးပေါင်းရင်းမြစ်များ

Matsɛmɛ II, 21:15

ejakaa a pee yayami kɛ si mi, nɛ a wo ye mi mi la kɛ je be mi nɛ a nɛmɛ ɔmɛ je Egipt ɔ hluu kɛ ba si mwɔnɛ ɔ.”

La 80:6

Je mahi nɛ bɔle wɔ ɔ, o haa nɛ a kɛ wɔ ba pleeɔ wa zugba a he, nɛ wa he nyɛli ɔmɛ muɔɔ wɔ bɔ nɛ a suɔ.

La 89:42

O ha nɛ e he nyɛli ɔmɛ ye kunimi, nɛ mɛ tsuo a na bua jɔmi.

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yesaya 63:18

Wɔ o ma klɔuklɔu ɔ, wa hi o he klɔuklɔu ɔ be bɔɔ, kɛkɛ nɛ wa he nyɛli ba ywia o ma a!

Yeremia 10:20

Wa bo tsu ɔmɛ puɛ; kpahi nɛ fi mɛ ɔ tsɔ. Wa bimɛ ɔmɛ tsuo je wa he; nɔ ko nɔ ko be nɛ maa ngɔ wa bo tsu ɔmɛ kɛ ma si ekohu ha wɔ; nɔ ko nɔ ko be nɛ maa ngɔ bo ɔmɛ kɛ kpla bo tsu ɔmɛ a he ekohu.”

Yeremia 12:7

Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Yeremia 23:14

Se i na kaa Yerusalem gbali ɔmɛ po pe mɛ kɛ yayami peemi; a puɛɔ gba, nɛ a yeɔ lakpa; a ya piɛɔ nihi a he nɛ a kɛ peeɔ yayami; nɛ enɛ ɔ he je ɔ, nɔ ko kpa we yayami peemi. Ngɛ imi ye hɛ mi ɔ, nimli yayamihi ji mɛ tsuo pɛpɛɛpɛ kaa Sodom kɛ Gomora bi.

Yeremia 39:9

Nebuzaradan, tatsɛ ɔ nuu nihi nɛ piɛ ngɛ ma a mi ɔ, kɛ ni nɛmɛ nɛ ku kɛ ba piɛ e he ɔ kɛ ho Babilonia ya.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Kɔmɔ Yemi 3:46

“Wa he nyɛli ɔmɛ tsuo ngɛ munyu tue kɛ ngɛ wɔ sie.

Ezekiel 9:10

Se i be mɛ mɔbɔ nae; i be a yi bae. Bɔ nɛ a pee ni kpa amɛ ɔ, ja pɛpɛɛpɛ ma pee mɛ.”

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”