Kɔmɔ Yemi 1:2 - BAIBLO ALOO NGMAMI KLƆUKLƆU Ɔ

² Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Kɔmɔ Yemi 1:2 ပူးပေါင်းရင်းမြစ်များ

Hiob 6:15

Se nyɛ ye nyɛmimɛ, nyɛ sisiɔ mi kaa pa nɛ gbli, be mi nɛ hiɔmi nɛ́.

Hiob 7:3

Bɔ nɛ ye sane ɔ ngɛ pɛ ji nɛ ɔ nɛ: nyɔhiɔhi babauu ji nɛ ɔ nɛ i hii si kɛkɛ; daa nyɔ mi ɔ, dekla sɔuu.

La 126:5

Nihi nɛ du ní kɛ vo nyu ɔ ma kpa ní kɛ bua jɔmi.

La 31:11

I plɛ pee ahlua nɔ́ ko kɛ ha ye he nyɛli; i pee muɔ nɔ́ kɛ ha ye nyɛmimɛ, nɛ ye huɛmɛ lɛɛ i plɛ pee gbeye lohwe ha mɛ. Ke nihi na mi ngɛ gbɛjegbɛ nɔ kɛkɛ pui a tu fo!

La 6:6

Kɔmɔ yemi sɔuu ha nɛ i gbɔjɔ; daa nyɔ mi ɔ, ye sa pɔɔ kɛ vo nyu sɔuu; daa nyɔ mi ɔ, i foɔ ya kɛ pɔɔ ye sɔne.

La 69:21

A ha mi duɔ ngɛ niye ní nane mi; nɛ benɛ kuma ngɛ mi yee ɔ, a ha mi dã nɛ kuã ke ma nu.

Abɛ Womi 19:7

Ohiatsɛ lɛɛ e nyɛmimɛ tete po sume lɛ, lɔ ɔ he ɔ, e be nyakpɛ kaa e huɛmɛ tsɛ̃ɔ a he kɛ jeɔ e he. Ke e hla a se blɔ kaa mɛni po, e nine sui a nɔ.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 2:25

I de mo ke, Israel, kpa mawu kpahi a se nyɛɛmi, bɔ nɛ pee nɛ o nane nɛ ko ba gbo, nɛ kuma ba gbe mo. Se o de ke, ‘Dɛbi! I be ye se kpalee; i suɔ ma se mawuhi, nɛ ma se mawuhi a se lɛ ma nyɛɛ.’ ”

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

Yeremia 4:30

Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Kɔmɔ Yemi 1:19

“I fɔ ye huɛmɛ ɔmɛ nine, konɛ a ba piɛ ye he, se a sisi mi. Benɛ ye osɔfo ɔmɛ, kɛ ma nimeli ɔmɛ tsuo ho ma a mi ya ya ngɛ niye ní hlae nɛ a ye nɛ a yi nɛ na wami ɔ, kɛkɛ nɛ mɛ tsuo a hɛ mi kpata.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Ezekiel 16:37

Zo ní nɛ ɔmɛ tsuo nɛ o tsu he je ɔ, ni nɛmɛ nɛ o suɔ mɛ, nɛ o kɛ mɛ fiɛ, kɛ ni nɛmɛ nɛ o sume a sane ɔ, ma bua mɛ tsuo a nya kɛ bɔle mo kɛ kpe; kɛkɛ ɔ, ma kpa o he bo tsuo ngɛ o he, konɛ mɛ tsuo a na o he gu saplapaa a.

Hosea 2:7

E ma ya hla e pla amɛ a se blɔ, se e nine be a nɔ sue. E ma hla mɛ hluu, se e be mɛ nae. Kɛkɛ ɔ, e ma de ke, “Ma kpale kɛ ya ye huno momo ɔ ngɔ. Benɛ i kɛ lɛ ngɛ ɔ, níhi a mi hi ha mi kulaa pe piɔ.”

Mika 7:5

Nyɛ ko he nyɛ nyɛmimɛ nyɛɛ ye; nyɛ ko ngɔ nyɛ hɛ ngɔ fɔ nyɛ huɛmɛ a nɔ; yo nɛ o kɛ lɛ hwɔɔ si po, hyɛ o nya nɔ ngɛ e he.

Kpojemi 17:13

Mɛ tsuo a maa hɛɛ juɛmi kake, nɛ a maa ngɔ a he wami, kɛ a blɔ nya a kɛ ha lohwe ɔ.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.