Kɔmɔ Yemi 1:17 - BAIBLO ALOO NGMAMI KLƆUKLƆU Ɔ

¹⁷ “Imi Zion, i wo ye nine nɔ, konɛ a ye bua mi, se balɔ ko ba ji ngmlaa ha mi. Yawɛ ha nɛ mahi nɛ bɔle imi Yakob, ba pee ye he nyɛli. Yerusalem ba pee nɔ́ nɛ a hiee.

Kɔmɔ Yemi 1:17 ပူးပေါင်းရင်းမြစ်များ

Matsɛmɛ I, 8:22

Jehanɛ Salomo ya da bɔ sami la tɛ ɔ hɛ mi ngɛ Israel ma kpekpemi ɔ tsuo hɛ mi; nɛ e wo e nine nɔ kɛ ya hiɔwe,

Matsɛmɛ I, 8:38

ke o ma, Israel bi ɔmɛ ba we nɛ ɔ mi kakaaka, loo kutuu, nɛ a ba wo a nine nɔ nɛ a fa kue ha mo kɛ je a tsui mi ɔ, bɔ tsuaa bɔ nɛ a hiami ní ɔmɛ ngɛ ɔ,

Matsɛmɛ II, 25:1

Zedekia tsɔ atuã kɛ wo Babilonia matsɛ, Nebukadnezar. Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Yesaya 54:11

Yawɛ ke, “Yerusalem, ma nɛ na amanehlu, mo nɛ nɔ ko piɛ we o he nɛ e wo mo bua. Ma ngɔ tɛhi nɛ a he jua wa kɛ fia o sisi tomi ɔ ekohu.

Yeremia 12:9

Ma nɛ i je blɔ hla a, a ngɛ kaa lohwe pɛlitsɛmɛ nɛ kayohi ba tua kɛ je he slɔɔtohi. Nyɛ yá kpee pu mi lohwehi tsuo kɛ ba, nɛ a kɛ mɛ ba tsɔtslɔɔ e mi.

Yeremia 15:5

Yawɛ ke, “Yerusalem bi, mɛnɔ maa na nyɛ mɔbɔ, aloo mɛnɔ maa ye nyɛ kɔmɔ? Mɛnɔ ma gba nɛ e ba bi si ke kɛ nyɛ ngɛ kɛɛ lo?

Yeremia 16:6

Niatsɛmɛ, kɛ ohiatsɛmɛ tsuo ma gbo ngɛ zugba nɛ ɔ nɔ; se nɔ ko be mɛ pue, nɛ nɔ ko be kɔmɔ yee ha mɛ. Nɔ ko nɔ ko be blɔ jee nɛ e maa plaa e he, loo e maa po huɛ kɛ tsɔɔ kaa e ngɛ kɔmɔ yee.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yeremia 6:3

Matsɛmɛ ma ba pue si ngɛ Yerusalem kɛ a tabo ɔmɛ. A maa ma a bo tsu ɔmɛ kɛ bɔle ma a kɛ kpe nɔ tsuaa nɔ ngɛ e nɔ́ mi.

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:19

“I fɔ ye huɛmɛ ɔmɛ nine, konɛ a ba piɛ ye he, se a sisi mi. Benɛ ye osɔfo ɔmɛ, kɛ ma nimeli ɔmɛ tsuo ho ma a mi ya ya ngɛ niye ní hlae nɛ a ye nɛ a yi nɛ na wami ɔ, kɛkɛ nɛ mɛ tsuo a hɛ mi kpata.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Kɔmɔ Yemi 4:15

Nihi kpaa ngmlaa kɛ woɔ mɛ, nɛ a deɔ ke, “Nyɛɛ je hiɛ ɔ! Nyɛ nɛ nyɛ ble nyɛ he! Nyɛ ko ta wa he!” Lɔ ɔ he ɔ, a wo lalaalo kɛ kpa ma amɛ tsuo a nɔ, se ma ko ma ko he we mɛ.

Ezekiel 36:17

E ke, “Nɔmlɔ adesa, benɛ Israel bi ɔmɛ ngɛ a zugba a nɔ ɔ, a ngɔ a ní peemi níhi, kɛ a blɔ yaya amɛ kɛ ble lejɛ ɔ. A je mi bami nɛ a kɛ ble a he ɔ ngɛ kaa bɔ nɛ yo nɛ ku nine nɛ e he tsɔ we ngɛ ɔ pɛpɛɛpɛ.

Hosea 8:8

Israel yi ta pɛ! Israel pee kaa buɛ kokoe ngɛ ma amɛ a kpɛti; e he be se nami.