Kɔmɔ Yemi 1:15 - BAIBLO ALOO NGMAMI KLƆUKLƆU Ɔ

¹⁵ “Nyɔmtsɛ ɔ kua ye ta buli katsɛmɛ ɔmɛ. E tsɔ tabo ko kɛ ba nɛ a ba kpata ye nihewi ɔmɛ a hɛ mi. Nyɔmtsɛ ɔ naa Yuda nɛ ngɛ kaa yomiyo ɔ nɔ kaa a ngaa wai ngɛ wai muɔ mi.

Kɔmɔ Yemi 1:15 ပူးပေါင်းရင်းမြစ်များ

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

Yesaya 63:3

Yawɛ he nɔ ke, “Imi nɔ kake lɛ i naa je ma amɛ a nɔ kaa a naa wai yiblii nɔ; nɔ ko nɔ ko piɛ we ye he. A wo ye mi mi la, nɛ abofu nya a, i naa a nɔ, nɛ a muɔ ɔ fĩa wo ye tade ɔ mi tsuo.

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.

Daniel 3:13

Matsɛ Nebukadnezar mi mi fu wawɛɛ nitsɛ, nɛ e fa ke a ya ngɔ Shadrak, Meshak, kɛ Abednego kɛ ba. Benɛ a ya ngɔ mɛ kɛ ba a,

Kɔmɔ Yemi 3:34

Ke a wo wɔ tsu, nɛ wa mumi nya ngɛ tae ɔ, Nyɔmtsɛ ɔ le.

Yeremia 51:34

Babilonia matsɛ, Nebukadnezar poo Yerusalem mi nɛ e ye. E muɔ níhi kɛ je ma a mi, nɛ ma a fɔɔ si kaa buɛ mi gu. E mi ma a kaa bɔ nɛ sinɔ ngua miɔ nɔ́ ɔ. E ye ma a mi ní kpakpa amɛ, nɛ e sake nɔ́ nɛ piɛ ɔ ngɔ pue he.

Yeremia 50:26

Nyɛ ya tua Babilonia kɛ je he tsuaa he, nɛ nyɛɛ ywia ngma tomi he ɔmɛ. Nyɛɛ to ta yibu ní ɔmɛ kaa ngma nɛ a to lɛ glekugleku! Nyɛ kpata zugba a hɛ mi! Nyɛ ko si nɔ ko nɔ ko ngɛ nɔ!

Yeremia 37:10

Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yesaya 41:2

“Jamɛ a kunimi yelɔ ɔ nɛ yeɔ kunimi ngɛ he tsuaa he ɔ, mɛnɔ lɛ ngɔ lɛ kɛ je beleku je kɛ ba? Mɛnɔ haa nɛ e yeɔ matsɛmɛ, kɛ je ma amɛ a nɔ ɔ? E kɛ e klaate peeɔ mɛ butuu kaa bunyuku, nɛ e kɛ̃ɛ̃ ɔ gbɛɛ mɛ fĩaa kaa nga nɛ kɔɔhiɔ muɔ kɛ yaa.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

La 119:118

Nihi tsuo nɛ yi o mlaa amɛ a nɔ ɔ, niinɛ, o bui a he akɔtaa; ga yayahi nɛ a kɛ sisiɔ nɔ ɔ peeɔ yaka.

Matsɛmɛ II, 9:33

Yehu de mɛ ke, “Nyɛ tsitsɛɛ lɛ ngɔ fia si!” A pee ja, nɛ Yezebel muɔ fĩa pue gbogbo ɔmɛ a he, kɛ okpɔngɔ ɔmɛ a nɔ; nɛ a naa e nɔ kɛ be.

Manyadali 10:8

A hao Israel bi tsuo nɛ ngɛ Amor bi a zugba a nɔ, ngɛ Yordan pa a se, ngɛ Gilead ɔ wawɛɛ nitsɛ, nɛ a wa mɛ yi mi jeha nyɔngma kɛ kpaanyɔ sɔuu.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Yeremia 6:11

Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Yeremia 13:24

Yawɛ maa gbɛ nyɛ ngɔ fĩa kaa tsakati nɛ ahlabata kɔɔhiɔ muɔ kɛ yaa.

Yoel 3:13

Yiwutsotsɛmɛ ji mɛ; poo mɛ ngɔ pue si kaa bɔ nɛ a pooɔ blɛfo tsohi pueɔ si ngɛ ní kpami be mi ɔ; ngaa a mi kaa bɔ nɛ a ngaa wai yiblii mi ngɛ wai ngami he kɛ ya siɔ e hyiɔ muɔ ɔ, nɛ e pueɔ si ɔ.”

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.