Kɔmɔ Yemi 1:13 - BAIBLO ALOO NGMAMI KLƆUKLƆU Ɔ

¹³ “Yawɛ ha la je hiɔwe ba sɛ ye wuhi a mi. E tsɔ mi klama, nɛ e ha i nɔ si; kɛkɛ nɛ e kua mi, nɛ i ngɛ aywilɛho yee daa.

Kɔmɔ Yemi 1:13 ပူးပေါင်းရင်းမြစ်များ

Hiob 18:8

Lɛ nitsɛ e maa ngɔ e nane kɛ ya du ya; lɛ nitsɛ e maa nyɛɛ kɛ ya nɔ muɔ mi.

Hiob 19:6

Se nyɛ li kaa Mawu lɛ pee nɔ́ nɛ ɔ lo? Lɛ nɛ tsɔ klama kɛ bɔle mi kɛ kpe.

Hiob 30:30

Ye he womi pee tuu, nɛ ye wuhi a he dɔ la.

La 129:5

Nihi tsuo nɛ sume Zion ɔ, zo nɛ gbe mɛ nɛ a kpale a se!

La 140:5

He nɔ woli tsɔ klamahi ngɛ blɔ ɔmɛ a tue. A tsɔ mi klama, konɛ a du mi.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

La 31:10

Kɔmɔ yemi babauu ha nɛ ye he wami ta. Ya fomi po ye wami be ɔ nɔ kpiti. Ye he yayami ɔmɛ ha nɛ i gbɔjɔ, nɛ ye wuhi tete po pee hiɔ.

La 35:4

Nihi nɛ ngɛ hlae nɛ a gbe mi ɔ, ha nɛ zo nɛ gbe mɛ, nɛ a yi mi tomi ɔ nɛ bɔ mɛ. Ni nɛmɛ nɛ ngɛ ye yi nɔ soe ɔ, ha nɛ basabasa nɛ sɛ a kpɛti, nɛ a kpale a se.

La 38:8

Imi nɔmlɔ ɔ tsuo i gbɔjɔ, nɛ i ku; ye tsui ngɛ fiae, nɛ i ngɛ kɛmɛe.

La 66:11

O ngɔ wɔ ya wo klama mi, nɛ wa du. O ngɔ tlomi nɛ jiɔ ngɔ tloo wɔ.

Mose II, 12:9

A ko ye lo ɔ mumu, nɛ a ko hoo lɛ ngɛ nyu mi hulɔ. Se a sã lohwe ɔ mluku; e yi ɔ, e nane ɔmɛ, kɛ e mi ní ɔmɛ tsuo.

Yesaya 42:17

Se nihi nɛ ngɔɔ a hɛ ngɔ fɔɔ amagahi a nɔ, amagahi nɛ a kpɛ́, loo a puɛ, nɛ a kpale deɔ ke a mawuhi ji mɛ ɔ, a maa ba mɛ si, nɛ zo maa gbe mɛ.”

Yeremia 44:6

Enɛ ɔ he je ɔ, ye mi mi la nɛ nya wa a puɛ ní ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ kaa bɔ nɛ la sãã nɔ́ ɔ. Nɛ ma amɛ a hɛ mi kpata, nɛ a pee ma dokuhi kaa bɔ nɛ a ngɛ mwɔnɛ ɔ.

Kɔmɔ Yemi 1:22

“Yayami tsuo nɛ a pee ɔ, hyɛ nɛ o kɛ mɛ nɛ to ní ngɛ he kaa bɔ nɛ o pee imi hu ngɛ ye yayami ɔmɛ tsuo a he ɔ. Ye kɛmɛmi ɔ nya ba wa tsɔ, nɛ ye he wami ta.”

Kɔmɔ Yemi 3:11

E ha nɛ i tla blɔ, nɛ e tsɔtslɔɔ ye mi; e pee mi posoposo.

Kɔmɔ Yemi 5:17

Enɛ ɔ ha nɛ wa ngɛ wa tsui yee wawɛɛ, nɛ wa vo nyu ɔ ha we nɛ waa hyɛ nɔ́ kpakpa ko hu;

Ezekiel 12:13

Ma tsɔ lɛ klama nɛ ma du lɛ. Ma ngɔ lɛ kɛ ya Babilon ngɛ Kaldea bi ɔmɛ a zugba a nɔ. Se e ma gbo nɛ e li tete po kaa e su lejɛ ɔ.

Ezekiel 17:20

Ma tsɔ lɛ klama nɛ ma du lɛ. Ma ngɔ lɛ kɛ ya Babilonia, nɛ ma ya gbla e tue ngɛ lejɛ ɔ, ejakaa e yi mi anɔkuale.

Ezekiel 32:3

Ke je ma amɛ ba bua a he nya babauu ɔ, imi Nyɔmtsɛ Yawɛ nitsɛ ma fɔ ye ya a kɛ pue o nɔ; e maa du mo, nɛ je ma amɛ maa gbla mo kɛ ba kpo.

Hosea 7:12

Be mi nɛ a yaa a, ma nyɛɛ a se nɛ ma kpale mɛ kɛ ba ekohu, kaa lohwe pɛlitsɛmɛ nɛ te kɛ bee nɛ a ya du yá. Ma gbla a tue ngɛ a yi wu tso ní ɔmɛ a he.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.