Lahi 8:9 - BAIBLO ALOO NGMAMI KLƆUKLƆU Ɔ

⁹ Gbogbo ji lɛ jinɛ waa kɛ sika hiɔ maa ma mɔ ngɔ fɔ e nɔ. Agbo ji lɛ jinɛ wa maa ngɔ seda tso kɛ tsi e he kɛ kpe.

Lahi 8:9 ပူးပေါင်းရင်းမြစ်များ

Matsɛmɛ I, 6:15

Salomo ka seda gbegbeli ngɔ wo gbogbo ɔmɛ a he ngɛ we ɔ mi je, kɛ je zugba kɛ ya ta siaudo ɔ nya; zugba a nitsɛ lɛɛ e kɛ sɛsɛo ka mi.

Lahi 1:11

Se kɛ̃ ɔ, wa maa pee sika tsu ga kɛ e he sika hiɔ níhi ha mo.

Lahi 2:9

Ye suɔlɔ ɔ ngɛ kaa batslɔɔ; e ngɛ kaa oflote niheyo. O nɛ lɛ nɛ daa si ngɛ wa tsu ɔ se. E ngɛ saflɛ ɔ mi hyɛe; e ngɛ saflɛ puɔ ɔmɛ a mi flie.

Yesaya 58:12

Nyɛ maa fia gbogbo he ngɛ blema tsu kokoe ɔmɛ a nane mi. A maa fia kɛ ma sisi tomi momo ɔmɛ a nɔ. Sisi tomi ɔmɛ nɛ a to blema a, nyɛ ma tle mɛ si kɛ ma si ekohu. Lɔ ɔ he ɔ, a ma tsɛ nyɛ ke nihi nɛ ba fia gbogbo ɔmɛ ekohu, nihi nɛ ba dla ma doku ɔmɛ.”

Yesaya 60:17

“Akɔblee nane mi ɔ, ma ngɔ sika tsu kɛ ba, dade nane mi ɔ, sika hiɔ, tso nane mi ɔ, akɔblee, nɛ tɛ nane mi ɔ, dade. O nɔ yeli ɔmɛ be mo yi mi wae hu. Ma ha a maa ngɔ dami sane yemi, kɛ he jɔmi kɛ hyɛ o nɔ.

Yesaya 61:4

Ma dokuhi tsuo nɛ pueɔ si kɛ je blema lokoo ɔ, a maa fia mɛ kɛ ma si ekohu.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

Ni Tsumi 15:16

‘Nyɔmtsɛ ɔ ke, pee se ɔ, ma kpale kɛ ba; nɛ ma ngɔ David matsɛ yemi ɔ ngɔ ma si kaa sá a. Ma dla e ma doku ɔmɛ, nɛ e tsɛ yemi ɔ maa ma si kpɛii ekohu.

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.