Lahi 8:2 - BAIBLO ALOO NGMAMI KLƆUKLƆU Ɔ

² Jinɛ i ko ngɔ mo kɛ ya maa we ɔ mi, konɛ o ya je suɔmi kpo kɛ tsɔɔ mi ngɛ lejɛ ɔ. I ko ha mo wai nɛ a futu mi; ye tso yiblii nɛ ngɔɔ ɔ wai nɛ o nu.

Lahi 8:2 ပူးပေါင်းရင်းမြစ်များ

Abɛ Womi 9:2

E gbe lohwe; e futu wai, nɛ e ngmɛ okplɔɔ.

Lahi 3:4

Benɛ i be a he bɔɔ pɛ kɛkɛ nɛ i na lɛ, nɛ i fua lɛ atuu; nɛ i ngmɛɛ we e he kɛ ya si i kɛ lɛ ya su ye we ɔ mi, kɛ ya sɛ tsu mi he nɛ a fɔ mi ngɛ ɔ.

Lahi 4:10

O suɔmi ɔ jɔɔ ye bua. Ye tsui kpa, kɛ ye we ayɛflo nɛ i suɔ mo saminya, o suɔmi ɔ ngɔɔ pe wai. O nu via a he via pe tsopa kɛ e he via slɔɔto ɔmɛ tsuo.

Lahi 7:12

Ha nɛ waa te si mɔtu mla kɛ ya hyɛ kaa wai tso ɔmɛ bɔni ba tsɛ̃mi, nɛ a gba mɔmɔ lo. Wa maa hyɛ kaa tso ɔmɛ nɛ a yiblii ngɔɔ hu gba mɔmɔ lo. Lejɛ ɔ, ma tsɔɔ mo ngɛ kaa i suɔ mo saminya.

Lahi 7:9

Ke a fiɔ o nya he ɔ, é ngɔ kaa wai kpakpa. Ke e ngɛ ja a, lɛɛ ha nɛ wai ɔ ya su ye suɔlɔ ɔ, nɛ e nu bɔ nɛ e ma nyɛ.

Lahi 8:1

I ná nɛ ye nyɛminyumu ji mo. I ná nɛ maa lɛ ha mo nyɔ. Jinɛ ke i kɛ mo kpe ngɛ ma nɔ ɔ, i ko fiɔ o nya he faa, nɛ nɔ ko be nɔ́ ko dee.

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.