Lahi 8:14 - BAIBLO ALOO NGMAMI KLƆUKLƆU Ɔ

¹⁴ Ye suɔlɔ, ba ye ngɔ esɔ; tuu kaa batslɔɔ kɛ ba ye ngɔ; tuu kɛ ba kaa odabɔ niheyo tuɔ ngɛ yo ɔmɛ a nɔ he nɛ tsopa kɛ e he via tsohi ngɛ ɔ.

Lahi 8:14 ပူးပေါင်းရင်းမြစ်များ

Lahi 2:17

E haa mɛ ní hluu kɛ ya siɔ mɔtu kɔɔhiɔ bɔni fiami, nɛ je mi tsɔɔ. Kpale kɛ ba, ye suɔlɔ; kpale kɛ ba kaa batslɔɔ, kpale kɛ ba kaa oflote niheyo ngɛ Beter yo ɔmɛ a nɔ.

Lahi 2:7

Yerusalem yihi, nyɛɛ wo mi si; nyɛ ka mi kita kaa nyɛ na odabɔ nɛ he sɔɔ, kɛ batslɔɔ kaa nyɛ be ye suɔlɔ ɔ tsɛe kɛ yaa si be nɛ lɛ nitsɛ e maa te si.

Lahi 2:9

Ye suɔlɔ ɔ ngɛ kaa batslɔɔ; e ngɛ kaa oflote niheyo. O nɛ lɛ nɛ daa si ngɛ wa tsu ɔ se. E ngɛ saflɛ ɔ mi hyɛe; e ngɛ saflɛ puɔ ɔmɛ a mi flie.

Lahi 4:6

Ma hi yo ɔ nɔ he nɛ mimɛ ngɛ ɔ; ma hi yoku ɔ nɔ he nɛ tsopa kɛ e he via ngɛ ɔ, kɛ yaa su be nɛ mɔtu kɔɔhiɔ ma bɔni fiami, nɛ je mi ma tsɔ.

Luka 19:12

E de mɛ ke, “Be ko ɔ, ablade ko doma kɛ ho lokoo ya, konɛ a ya wo lɛ matsɛ nɛ e kpale kɛ ba.

Mose V, 12:15

“Se kɛ̃ ɔ, nyɛ ma nyɛ maa gbe nyɛ lohwe ɔmɛ nɛ nyɛɛ ye ngɛ nyɛ hi he ɔmɛ. Nyɛɛ ye bɔ nɛ nyɛ suɔ, kaa bɔ nɛ Yawɛ, nyɛ Mawu dloo nyɛ ɔ. Nɔ tsuaa nɔ nɛ ye; ke ngɛ kɔ nya a, nɔ ɔ he tsɔ jio, e he tsɔ we jio, e ye kaa bɔ nɛ nyɛ yeɔ bayelɔ, loo avugbɛ lo ɔ.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!