Lahi 7:4 - BAIBLO ALOO NGMAMI KLƆUKLƆU Ɔ

⁴ O kuɛ da si kaa mɔ nɛ a ngɔ suɔ wu kɛ ma. O hɛngmɛhi ngɛ kaa takuhi ngɛ Batrabim agbo ɔ nya ngɛ Heshbon ma a mi. O gugwɔ ngɛ kaa Lebanon mɔ gojoo ɔ nɛ e yi je kpo ngɛ Damasko ma a nɔ ɔ.

Lahi 7:4 ပူးပေါင်းရင်းမြစ်များ

Mose I, 15:2

Se Abram he nɔ ke, “Yawɛ Mawu, o gbaami ɔ, mɛni he se ma na, imi nɛ i be bi ɔ? Nɔ pɛ nɛ yeɔ ye ní ji Eliezer nɛ je Damasko ɔ.

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Matsɛmɛ I, 10:18

Jehanɛ, Salomo kɛ suɔ wu pee matsɛ sɛ agbo ko, nɛ e kɛ sika tsu ngmingmiingmi ha he.

Matsɛmɛ I, 10:22

Matsɛ Salomo jua yemi lɛ ɔmɛ, kɛ Hiram ní ɔmɛ bla kɛ tsu ní ngɛ wo ɔ nɔ. Daa jeha etɛ ɔ, Salomo lɛ ɔmɛ ngɔɔ sika tsu, sika hiɔ, suɔ wu, siato, kɛ anguɛ kɛ baa we.

Matsɛmɛ I, 22:39

Ahab he sane kpahi nɛ piɛ, we ɔ nɛ e kɛ suɔ wu ma a, kɛ ma kpahi nɛ e po ɔ, a ngma tsuo ngɛ Israel Matsɛmɛ ɔmɛ a Blema Sanehi Womi ɔ mi.

Matsɛmɛ I, 7:2

Tsuhi nɛ ngɛ matsɛ we ɔ mi ɔ, a tsɛɛ kake ke Lebanon hue tsu. E kami ji gugue nyingmi enyɔ kɛ enuɔ, e blimi gugue nyɔngma kɛ enyɔ kɛ fa, kɛ e hiɔwe yami gugue kpaago kɛ fa. Lebanon hue tsu nɛ ɔ ngɛ seda titimahi zã etɛ nɛ a kɛ seda plaihi ma a nɔ; seda titima nyɔngma kɛ enuɔ ngɛ zã tsuaa zã mi. A kɛ seda sɛu tsu ɔ nɔ kɛ be ngɛ nito he ɔmɛ nɛ maa si ngɛ titima amɛ a nɔ ɔ.

Matsɛmɛ I, 9:19

mahi nɛ a toɔ Salomo níhi ngɛ a mi ɔ, mahi he nɛmɛ nɛ e we okpɔngɔ ɔmɛ, kɛ ta zugba lɛ ɔmɛ ngɛ ɔ, kɛ hɛja jemi mahi ngɛ Yerusalem, kɛ Lebanon, kɛ e nɔ yemi he kpa amɛ tsuo.

Kronika II, 8:6

Ma kpahi nɛ Salomo dla po ji Baalat, mahi tsuo nɛ e toɔ ní ngɛ a mi ɔ, kɛ mahi he nɛmɛ nɛ e we okpɔngɔ ɔmɛ, kɛ ta zugba lɛ ɔmɛ ngɛ ɔ. E po mahi bɔ nɛ e suɔ ngɛ Yerusalem, kɛ Lebanon, kɛ e nɔ yemi he kpa amɛ.

La 144:12

Ha nɛ wa binyumuhi nɛ ngɛ nihe mi ɔ, a he nɛ wa kaa tso nɛ maa si saminya. Ha nɛ wa biyihi nɛ a pee kaa tɛ titima kɛ ha matsɛ mɔ fiami.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

Lahi 1:10

O yi bwɔmi ngɛ fɛu ngɛ o tsitsa he; bwɔmi ɔ kplaa si ngɛ o kuɛ he kaa june.

Lahi 4:1

Ye afɛu yo; o he ngɛ fɛu saminya! Hyɛ bɔ nɛ o hɛngmɛ ɔmɛ ngɛ kpɛe kɛ suɔmi ngɛ o hɛ mi hami nɔ́ ɔ se. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Lahi 4:4

O kuɛ ngɛ legelege, nɛ e ngɛ tlotlootlo; kuɛ ní nɛ kplaa si ngɛ he ɔ ngɛ kaa David mɔ ɔ nɛ tsɛ̃i akpe kplaa si ngɛ he kɛ kpe.

Lahi 4:5

O nyɔ ɔmɛ ngɛ kaa batslɔhi, loo odabɔ hawi enyɔ nɛ a ngɛ ní yee ngɛ nga nɔ mɔmɔhi a mi.

Lahi 6:5

Koo hyɛ ye hɛ mi; o hɛngmɛhi ha ye he mi po. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Hebribi 5:14

Se nihi nɛ wa a, a nɔ ji niye ní nitsɛ. Mɛɛ lɛɛ a tsɔse a juɛmi, nɛ a le slɔɔto nɛ ngɛ kpakpa kɛ yayami a kpɛti.