Lahi 7:12 - BAIBLO ALOO NGMAMI KLƆUKLƆU Ɔ

¹² Ha nɛ waa te si mɔtu mla kɛ ya hyɛ kaa wai tso ɔmɛ bɔni ba tsɛ̃mi, nɛ a gba mɔmɔ lo. Wa maa hyɛ kaa tso ɔmɛ nɛ a yiblii ngɔɔ hu gba mɔmɔ lo. Lejɛ ɔ, ma tsɔɔ mo ngɛ kaa i suɔ mo saminya.

Lahi 7:12 ပူးပေါင်းရင်းမြစ်များ

La 122:5

Lejɛ ɔ nɛ Israel matsɛmɛ nɛ ji David nina a hi kɛ kojo ma a.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 73:25

Mɛnɔ i pa ngɛ ngɛ hiɔwe pe mo? O se ɔ, nɔ́ ko nɔ́ ko hia we mi ngɛ zugba nɛ ɔ nɔ hu.

Mose II, 25:22

Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Lahi 2:13

Ngmɔkɔ bɔni fumi. Kɔɔhiɔ mi hyi kɛ wai yiblii he via. Ye suɔlɔ, ye afɛu yo; ba nɛ waa ho koo!

Lahi 2:15

Nyɛɛ nuu kɔkɔbo ɔmɛ ha wɔ. Nyɛɛ nuu kɔkɔbo tsɔwi ɔmɛ nɛ puɛɔ wai ngmɔ ɔmɛ ɔ; ejakaa wai ngmɔ ɔmɛ gba mɔmɔ.

Lahi 4:13

Abɔɔ nɛ ɔ mi ɔ, tso slɔɔtohi nɛ bɔɔ kaa tso nɛ yiblii ngɔɔ saminya a ngɛ lejɛ ɔ, nɛ a woɔ yiblii kpakpahi. Tsohi nɛ pɔ he ngɛ lejɛ ɔ ji hena, nardo,

Lahi 4:16

Kɔɔhiɔ nɛ je omleyi je, tee si koo. Kɔɔhiɔ nɛ je leneyi je, tee si nɛ o fia kɛ ya gu ye we abɔɔ ɔ mi, konɛ lejɛ ɔ tsuo nɛ je via. Ha nɛ ye suɔlɔ ɔ nɛ ba e we abɔɔ ɔ mi, nɛ e ba ye e mi tso yiblii nɔ́ nɛ hi pe kulaa a.

Lahi 6:11

I ba ngmɛ́ tso abɔɔ ɔ mi, konɛ ma ba hyɛ tso ɔmɛ ngɛ kɔ̃ ɔ mi kaa wai tso ɔmɛ tsɛ̃ ba, nɛ tso ɔmɛ nɛ a yiblii ngɔɔ hu gba mɔmɔ lo.

Lahi 7:11

Ye suɔlɔ nɛ i suɔ mo, ha nɛ waa ho nga a nɔ ya nɛ wa ya hi kɔpe ɔmɛ a mi.

Lahi 7:6

Ye weyo nɛ i suɔ, o he ngɛ fɛu saminya; o he ngɛ akɔnɔ kaa nɔ́ ko.

Yesaya 18:5

Loko wai yiblii nya buami be maa su, be mi nɛ mɔmɔ ɔmɛ tsuo ma kplɔ pue si, nɛ wai yiblii ɔmɛ maa pee kaa a ngɛ fue ɔ, he nyɛli ɔmɛ ma kpata Sudan bi ɔmɛ a hɛ mi pɛsɛpɛsɛ kaa bɔ nɛ a ngɔɔ tso he suami dade kɛ poɔ wai tso kɔnihi.

Ni Tsumi 15:36

Pee se ɔ, Paulo de Barnaba ke, “Ha waa kpale wa se kɛ ya mahi tsuo nɛ wa fiɛ Nyɔmtsɛ ɔ sɛ gbi ɔ ngɛ a mi ɔ. Wa ya slaa nyɛmimɛ ɔmɛ nɛ ngɛ lejɛ ɔmɛ, nɛ waa hyɛ bɔ nɛ a ngɛ nɔ yae ha.”

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Hebribi 2:13

E deɔ hu ke, “Ma ngɔ ye hɛ kɛ fɔ Mawu nɔ.” E kpale deɔ hu ke, “Ne mi kɛ bimɛ nɛ Mawu ha mi ɔ.”

Hebribi 2:15

Kɛkɛ ɔ, e ma ha nihi nɛ a wami be tsuo a ngɛ gbenɔ gbeye yee, nɛ a pee yoyooyo kaa nyɔguɛhi ɔ maa ye a he.

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.