Lahi 7:1 - BAIBLO ALOO NGMAMI KLƆUKLƆU Ɔ

¹ Matsɛbiyo, hyɛ bɔ nɛ o nane ngɛ fɛu ngɛ tokota mi ha! Bɔ nɛ o fiɔhi kpe ngɛ o mlɛ mi ɔ ngɛ fɛu kaa nɔ́ ko nɛ galɔ kpanaa ko je blɔ pee.

Lahi 7:1 ပူးပေါင်းရင်းမြစ်များ

Mose I, 32:3

Yakob tsɔ nihi kɛ sɛ e hlami kɛ ho e nyɛmi Esau ngɔ ya ngɛ Edom zugba a nɔ.

La 45:13

Niatsɛmɛ tete po maa ngɔ nike ní kɛ ba. A wo matsɛ biyo ɔ ní saminyayoo ngɛ e tsu ɔ mi. Bo nɛ e bu ɔ, sika tsu kpa a kɛ lo.

Mose II, 28:15

“Gugue tade ɔ nɛ a kɛ leɔ ye yi mi ɔ, moo pee lɛ ngɛ ga mi; bɔ nɛ o pee efɔd ɔ, ja nɔuu o pee lɛ. Níhi nɛ ó ngɔ kɛ pee enɛ ɔ hu ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ.

Mose II, 28:42

Ngɔɔ bo nɛ a ngɔ kpa hiɔ kpakpa kɛ lo kɛ kpɛ fiɔ mi tade ha mɛ, nɛ a wo kɛ ha a he kɛ je a mlɛ mi kɛ yaa si a fiɔ mi.

Mose II, 35:35

E dloo mɛ ga ní tsumi tsuaa ga ní tsumi he juɛmi, kɛ nile babauu kɛ ha tso, aloo tɛ, aloo dade mi kpɛmi, kɛ ga ní tɛnimi kɛ ní kadimi nɛ a ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ peeɔ ɔ. A nyɛɔ nɛ a tsuɔ ga ní tsumi tsuaa ga ní tsumi, nɛ a peeɔ ga ní tɛnimi hulɔ.

Lahi 7:2

O langmɔ ngɛ kaa likɔkɔ kokloo nɛ wai nɛ a futu mi tɛ̃ mi gblegbleegble. O mi mi ngɛ kaa ngma nɛ a bua nya nɛ a to nga nɔ mɔmɔ kɛ bɔle lɛ.

Daniel 2:32

Amaga nɛ ɔ yi ɔ, sika tsu ngmingmiingmi a kɛ pee; e gugue kɛ e kɔnihi lɛɛ sika hiɔ a kɛ pee; a kɛ akɔblee pee e mlɛ mi kɛ e fiɔhi;

Luka 15:22

Se e tsɛ ɔ de sɔmɔli ɔmɛ ke, ‘Nyɛ ya je tade klɔii saminyayoo ɔ kɛ ba wo lɛ esɔ. Nyɛɛ wo e nine nguɛ ga, kɛ e nane tokota.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Efesobi 6:15

Nɔ́ tsuaa nɔ́ nɛ ma ha nɛ nyɛɛ pee klaalo kɛ fiɛ he jɔmi sane kpakpa a, nyɛ kɛ pee tokota nɛ nyɛɛ wo.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Kolosebi 2:19

Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.