Lahi 6:9 - BAIBLO ALOO NGMAMI KLƆUKLƆU Ɔ

⁹ Se nɔ kake pɛ i suɔ ngɛ a kpɛti; e he ngɛ akɔnɔ kaa lahuɛ. E nyɛ biyo nɛ e suɔ e sane saminya ji lɛ. Sé ko kulaa be e he. Yihi tsuo a bua jɔɔ e he, nɛ a jeɔ e yi. Manyɛmɛ ɔmɛ, kɛ plã amɛ tsuo jeɔ e yi.

Lahi 6:9 ပူးပေါင်းရင်းမြစ်များ

Lahi 2:14

O ngɛ kaa lahuɛ nɛ ya laa e he ngɛ tɛ sa puɔ mi. Ha nɛ ma na o hɛ mi. O he ngɛ fɛu loo. Ha nɛ ma nu o gbi. O gbi ngɔɔ loo!

Lahi 5:2

I hwɔ mahe, se i hwɔ we mahe kɛ ye tue. Tlukaa a, ye suɔlɔ ɔ ba si sinya a. Agoo, ye tsui kpa, bli sinya a ha mi. Ye nyɛmiyo, ye lahuɛ! Bɔ́ nɛɛ mi, nɛ ye yi, kɛ ye yi bwɔmi tsuo pɔ.

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

Mose I, 30:13

Lea wo lɛ biɛ ke Asher, nɛ e de ke, “Hyɛ bɔ nɛ ye bua jɔ ha! Yi kpa amɛ ma de ke a gbaa mi saminya.”

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.

La 126:2

Jamɛ a be ɔ mi ɔ, wa muɔ jɛɛ, nɛ wa la bua jɔmi la boboobo. Je ma amɛ hu de a sibi ke, “Yawɛ tsu ní nguanguahi ha mɛ.”

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Mose IV, 23:9

I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Matsɛmɛ I, 11:3

Salomo ngɔ matsɛmɛ a biyihi lafa kpaago, nɛ e su plãhi hu lafa etɛ. E yi ɔmɛ ha e yi mi plɛ kɛ je Mawu he,