Lahi 6:3 - BAIBLO ALOO NGMAMI KLƆUKLƆU Ɔ

³ I ngɔ ye he kɛ ha ye suɔlɔ ɔ, nɛ lɛ hu e ngɔ e he kɛ ha mi. E hyɛɔ e to ɔmɛ ngɛ nga nɔ mɔmɔ ɔmɛ a mi ngɛ lejɛ ɔ.

Lahi 6:3 ပူးပေါင်းရင်းမြစ်များ

La 119:94

O nɔ́ ji mi, he ye yi wami; ejakaa i bɔ mɔde kaa ma ye o mlaa amɛ a nɔ.

Lahi 1:7

Ye suɔlɔ, mo de mi. Jije o ma tsɔ̃ o to ɔmɛ kɛ ya nɛ a ya ye ní? Ke pu nya wa a, jije o maa jɔɔ o he ngɛ? Mɛni he je nɛ ma hi si kpae kɛ hi mo hlae ngɛ to hyɛli kpa amɛ a to ɔmɛ a kpɛti ɔ?

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Lahi 4:5

O nyɔ ɔmɛ ngɛ kaa batslɔhi, loo odabɔ hawi enyɔ nɛ a ngɛ ní yee ngɛ nga nɔ mɔmɔhi a mi.

Lahi 7:10

Ye suɔlɔ ɔ nɔ́ ji mi; e ngɛ ye se blɔ hlae.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.