Lahi 6:13 - BAIBLO ALOO NGMAMI KLƆUKLƆU Ɔ

¹³ Shulam yo, doo koo; doo nɛ o po o he nɛ waa hyɛ mo. Mɛni he je nyɛ suɔ nɛ nyɛ maa hyɛ mi nɛ i ngɛ doe ngɛ kuu enyɔ nɛ a to slɛnɛɛ ngɛ hiɛ kɛ hiɛ a kpɛti ɔ?

Lahi 6:13 ပူးပေါင်းရင်းမြစ်များ

Mose I, 32:2

Benɛ Yakob na mɛ ɔ, e de ke, “Mawu hi he ji nɛ ɔ nɛ;” lɔ ɔ he ɔ, e wo lejɛ ɔ biɛ ke Mahanaim.

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Galatabi 5:17

Ejakaa nɔ́ nɛ nɔmlɔ tso ɔ suɔ ɔ, pi lɔ ɔ nɛ mumi ɔ suɔ; nɛ nɔ́ nɛ mumi ɔ suɔ ɔ, pi lɔ ɔ nɛ nɔmlɔ tso ɔ suɔ. Nɔ́ enyɔ nɛ ɔmɛ kɛ a he yi. Enɛ ɔ tsɔɔ kaa nyɛ be nyɛe maa pee nyɛ nitsɛmɛ nyɛ suɔmi nya ní.

Romabi 7:23

Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Luka 15:10

I ngɛ nyɛ dee ke, jã nɔuu lɛ Mawu bɔfohi ma nya, ke yayami peelɔ kake tsake e tsui ɔ.”

Luka 7:44

Jehanɛ, e plɛ e hɛ mi kɛ kpee yo ɔ, nɛ e de Simon ke, “Tse o ngɛ yo nɛ ɔ hyɛe? Nɛ i ba sɛ o we ɔ mi ɔ, o ha we mi nyu nɛ ma kɛ fɔ ye nane he, se lɛɛ e kɛ vo nyu fɔ ye nane he, nɛ e kɛ e yi bwɔmi tsu.

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Lahi 2:14

O ngɛ kaa lahuɛ nɛ ya laa e he ngɛ tɛ sa puɔ mi. Ha nɛ ma na o hɛ mi. O he ngɛ fɛu loo. Ha nɛ ma nu o gbi. O gbi ngɔɔ loo!

Lahi 1:6

Nyɛ ko hyɛ mi maa ngɛ yumi nɛ i yu ɔ he; pu la nɛ pee ye he womi ja. Ye nyɛminyumu ɔmɛ a mi mi fu mi, nɛ a ha i ya tsu ní ngɛ wai ngmɔ ɔmɛ a mi. I na we deka ko kulaa kɛ ha ye nɔmlɔ tso ɔ.

La 76:2

E we ngɛ Yerusalem, Zion ji he nɛ e hii.

Samuel II, 17:24

Benɛ Absalom kɛ Israel bi ɔmɛ tsuo ke a poɔ Yordan pa a, David su Mahanaim momo.

Manyadali 21:21

Ke nyami ligbi ɔ su, nɛ Shilo zangmawi ɔmɛ ba nɛ a ba ngɛ doe ɔ, nyɛɛ je wai ngmɔ ɔmɛ a mi kɛ ba. Ke nyɛ ba a, nyɛ ti nɔ tsuaa nɔ nɛ nu Shilo zangmayo kake pani nya, nɛ e ngɔ lɛ kɛ ya Benyamin zugba a nɔ, nɛ e ya pee e yo.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Lahi 6:12

Benɛ ma hɛli si ɔ, e pee kaa nɔ nɛ i hii si ngɛ zugba lɛ mi ngɛ ye matsɛ ɔ kasa nya.