Lahi 6:10 - BAIBLO ALOO NGMAMI KLƆUKLƆU Ɔ

¹⁰ Mɛnɔ nɛ ma hleii kikɛ nɛ ɔ kaa mɔtu pu nɛ gbaa? E ngɛ fɛu kaa nyɔhiɔ, nɛ e ngɛ kpɛe kaa pu. E nu ye tsui kaa nɔ́ nɛ aflaangaa ngɛ tabo yi.

Lahi 6:10 ပူးပေါင်းရင်းမြစ်များ

Samuel II, 23:4

e ngɛ kaa pu nɛ ngɛ tsoe mɔtu be mi nɛ bɔku be hiɔwe; aloo hiɔmi nɛ haa nga tsɛ̃ɔ kɛ jeɔ zu mi.”

Hiob 11:17

O wami he ma tsɔ heii pe piani; diblii be po maa hi kaa mɔtu.

Hiob 31:26

Pu nɛ tsoɔ saminyayoo, kɛ nyɔhiɔ nɛ kpɛɔ saminyayoo nɛ ɔ, i ja we mɛ hyɛ.

La 14:5

Sawale nɛ nya wa maa nu mɛ; ejakaa nihi nɛ peeɔ nɔ́ nɛ da a, Mawu kɛ mɛ ngɛ.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Lahi 1:15

Ye afɛu yo nɛ i suɔ, o he ngɛ fɛu. O hɛngmɛ ngɛ dɔkɔɔ kaa lahuɛ hɛngmɛ!

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 6:4

Ye suɔlɔ, o he ngɛ fɛu kaa Yerusalem; o he ngɛ akɔnɔ kaa Tirza ma a. O nu ye tsui kaa nɔ́ nɛ aflaangaa ngɛ tabo yi.

Lahi 8:5

Mɛnɔ nɛ je nga kplanaa a nɔ kɛ ma, nɛ e kɛ e nine la e suɔlɔ mi kikɛ nɛ ɔ? Imi nɛ i ba tsɛ̃ɛ̃ mo ngɛ tso nɛ yiblii ngɔɔ saminya a sisi, he nɛ o nyɛ nu kɔɔmi nɛ e fɔ mo ngɛ ɔ.

Yesaya 58:8

“Kɛkɛ ɔ, ye dloomi ɔ maa ba nyɛ nɔ kaa mɔtu pu la nɛ haa je mi tsɔɔ, nɛ nyɛ pa amɛ ma gbo mla. I kɛ nyɛ maa hi si be tsuaa be, konɛ ma he nyɛ yi wami. Ke nyɛ pee nɔ́ nɛ da a, lɔ ɔ maa je blɔ kpakpa ha nyɛ, nɛ ye hɛ mi nyami ɔ maa nyɛɛ nyɛ se, nɛ nyɛ maa ye manye.

Yesaya 63:1

“Mɛnɔ lɛ je Bozra ngɛ Edom zugba a nɔ kɛ ma nɛ ɔ? Mɛnɔ lɛ dla e he saminyayoo kɛ tade tsu, nɛ e ngɛ kɔsɔe wawɛɛ kɛ he wami kɛ ma nɛ ɔ?” “Imi Yawɛ, kpɔlɔ nɛ nine si wa a, i ngɛ dee kɛ ngmlaa ke i ye kunimi oo, i ye kunimi.”

Hosea 6:5

Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Mateo 13:43

Se Mawu ma a lɛɛ, a ma kpɛ kaa pu ngɛ a Tsɛ ɔ hiɔwe matsɛ yemi ɔ mi. Nɔ nɛ ngɛ tue ɔ, e nu!

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Kpojemi 1:16

E hɛɛ dodoe kpaago ngɛ e hiɔ nine mi, nɛ klaate nya enyɔtsɛ nɛ nya ba ngɛ e nya mi, nɛ e hɛ mi ngɛ kpɛe kaa piani pu.

Kpojemi 10:1

Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.

Kpojemi 12:1

Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.