Lahi 5:7 - BAIBLO ALOO NGMAMI KLƆUKLƆU Ɔ

⁷ Buli ɔmɛ nɛ ngɛ si poe ngɛ ma a mi ɔ ba na mi; a fia mi nɔ́, a plaa mi; nɛ buli ɔmɛ nɛ ngɛ gbogbo ɔ nɔ ɔ kpɔ ye hɛ mi hami nɔ́ ɔ kɛ je.

Lahi 5:7 ပူးပေါင်းရင်းမြစ်များ

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

Lahi 3:3

Ma a mi buli ɔmɛ nɛ ngɛ si poe ngɛ ma a mi ɔ kɛ mi ba kpe. I bi mɛ ke, “Nyɛ na ye suɔlɔ ɔ ha mi lo?”

Lahi 5:6

I bli sinya a ha ye suɔlɔ ɔ, se e je momo. Ao, nɛ́ i ko nu e gbi kɛkɛ ɔ! I hla lɛ, se i nɛ́ lɛ. I tsɛ lɛ, se i nui e he.

Lahi 5:8

Yerusalem yihi, nyɛ ka mi kita kaa ke nyɛ na ye suɔlɔ ɔ, nyɛ ma de lɛ ke e he suɔmi ngɛ mi gbee.

Lahi 8:11

Salomo ngɛ wai abɔɔ ko ngɛ he ko nɛ a tsɛɛ ke Baal Hamon. E ngɔ kɛ ha ni komɛ apaa yemi. Ke a kpa ní ɔ, a ti nɔ tsuaa nɔ ma ba ha lɛ sika hiɔ yi akpe.

Yesaya 3:23

kploba heha ní ɔmɛ, mele duku ɔmɛ, yi duku ɔmɛ, kɛ hɛ mi hami nɔ́ gagaa amɛ tsuo ɔ, Nyɔmtsɛ ɔ ma je ngɛ a he.

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Hosea 6:5

Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.

Mateo 23:2

“Mlaa tsɔɔli ɔmɛ, kɛ Farisi bi ɔmɛ ji nihi nɛ a ngɔ he wami ngɔ wo a dɛ, konɛ a tsɔɔ Mose mlaa a sisi saminya.

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

2 Korintobi 11:13

Kikɛmɛ a nimli nɛ ɔmɛ ɔ, lakpa bɔfohi ji mɛ; tsa pi anɔkuale bɔfohi ji mɛ. A ní tsumi ji kaa a hi kpae, nɛ a hi nɔ sisie. A tsakeɔ a he, konɛ nihi nɛ na mɛ kaa Kristo nitsɛ e bɔfohi.

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.