Lahi 5:4 - BAIBLO ALOO NGMAMI KLƆUKLƆU Ɔ

⁴ Ye suɔlɔ ɔ kɛ e nine pɛtɛ sinya a he, kɛkɛ nɛ nɔ́ ko pee mi ngɛ ye tsui mi kaa nɔ́ nɛ e su ye he haa.

Lahi 5:4 ပူးပေါင်းရင်းမြစ်များ

Mose I, 43:30

Kɛkɛ nɛ Yosef si mɛ tlukaa, ejakaa benɛ e na e nyɛmi ɔ, e kuɛ si muɔ kpɔ. E miɔ nɛ e ma fo ya ngɛ e nyɛmimɛ ɔmɛ a hɛ mi; lɔ ɔ he ɔ, e he sɔ kɛ ya sɛ e se tsu ɔ mi, nɛ e ya fo ya wawɛɛ ngɛ lejɛ ɔ.

Mose I, 7:11

Benɛ Noa ye jeha lafa ekpa a, jamɛ a jeha a we hlami enyɔne ɔ ligbi nɛ ji nyɔngma kɛ kpaago ɔ nɔ ɔ, zugba a nɔ nyu hɛngmɛhi babauu ɔ tsuo hia, nɛ hiɔwe saflɛ ɔmɛ tsuo bli,

Matsɛmɛ I, 3:26

Kɛkɛ nɛ nɔ tutuutu nɛ ji bi nɛ hɛ ngɛ ɔ nyɛ ɔ tsui mi sã lɛ ngɛ e bi ɔ he, nɛ e de matsɛ ɔ ke, “Nɛnɛ, i kpa mo pɛɛ, koo gbe jokuɛ ɔ. Ngɔɔ lɛ ngɔ ha yo ɔ kɛkɛ.” Se yo kaketsɛ ɔ de ke, “Dɛbi! E be ye nɔ́ pee, nɛ e be mo hu o nɔ́ pee; a dla e mi enyɔ.”

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.