Lahi 5:2 - BAIBLO ALOO NGMAMI KLƆUKLƆU Ɔ

² I hwɔ mahe, se i hwɔ we mahe kɛ ye tue. Tlukaa a, ye suɔlɔ ɔ ba si sinya a. Agoo, ye tsui kpa, bli sinya a ha mi. Ye nyɛmiyo, ye lahuɛ! Bɔ́ nɛɛ mi, nɛ ye yi, kɛ ye yi bwɔmi tsuo pɔ.

Lahi 5:2 ပူးပေါင်းရင်းမြစ်များ

Mose I, 29:20

Yakob tsu ní jeha kpaago konɛ e kɛ na he blɔ nɛ e ngɔ Rahel. Se suɔmi nɛ e ngɛ kɛ ha Rahel he je ɔ, jeha kpaago ɔ be nɛ e pee lɛ kaa ligbi bɔɔ kɛkɛ.

La 119:1

A gbaa ni nɛmɛ nɛ piami ko be a he ngɛ a si himi mi, nihi nɛ baa a je mi ngɛ Yawɛ mlaa a nya.

La 81:10

Imi ji Yawɛ, nyɛ Mawu ɔ, nɔ nɛ je nyɛ kɛ je Egipt zugba a nɔ ɔ nɛ. Nyɛɛ pa nyɛ nya mi hatoo, nɛ ma lɛ nyɛ.

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

Lahi 1:16

Ye suɔlɔ kpakpa pe kulaa, hyɛ bɔ nɛ o he ngɛ bua jɔmi ha! Nga mumu nɔ wa maa hwɔ,

Lahi 2:10

Ye suɔlɔ ɔ ngɛ mi nɔ́ ko dee. Ye suɔlɔ, ye afɛu yo; ba nɛ waa ho koo!

Lahi 2:14

O ngɛ kaa lahuɛ nɛ ya laa e he ngɛ tɛ sa puɔ mi. Ha nɛ ma na o hɛ mi. O he ngɛ fɛu loo. Ha nɛ ma nu o gbi. O gbi ngɔɔ loo!

Lahi 2:8

I nu ye suɔlɔ ɔ gbi. E ngɛ hiie ngɛ yo ɔmɛ a nɔ kɛ ma; e ngɛ fo tue ngɛ yoku ɔmɛ a nɔ kɛ ma ye ngɔ.

Lahi 3:1

Nyɔ mi, ke i hwɔ si ɔ, i nlaa ye suɔlɔ ɔ. I hla kaa ma na lɛ, se i nɛ́ lɛ.

Lahi 4:7

Ye afɛu yo, o he ngɛ fɛu tsɔ; o he ngɛ fɛu kɛ pi si!

Lahi 4:9

Ye nyɛmiyo, ye we ayɛflo nɛ i suɔ mo saminya; hɛngmɛ nɛ o kɛ hyɛ mi, kɛ o kuɛ ní nɛ o wo nɛ ɔ gbe ye tsui kulaa.

Lahi 5:11

E yi ngɛ kaa sika tsu ngmingmiingmi; e yi bwɔmi yuɔ tslitsliitsli kaa kuakualabite, nɛ e dɔ bɔdɔɔ kɛ pue e yi mi.

Lahi 5:6

I bli sinya a ha ye suɔlɔ ɔ, se e je momo. Ao, nɛ́ i ko nu e gbi kɛkɛ ɔ! I hla lɛ, se i nɛ́ lɛ. I tsɛ lɛ, se i nui e he.

Lahi 6:9

Se nɔ kake pɛ i suɔ ngɛ a kpɛti; e he ngɛ akɔnɔ kaa lahuɛ. E nyɛ biyo nɛ e suɔ e sane saminya ji lɛ. Sé ko kulaa be e he. Yihi tsuo a bua jɔɔ e he, nɛ a jeɔ e yi. Manyɛmɛ ɔmɛ, kɛ plã amɛ tsuo jeɔ e yi.

Lahi 7:9

Ke a fiɔ o nya he ɔ, é ngɔ kaa wai kpakpa. Ke e ngɛ ja a, lɛɛ ha nɛ wai ɔ ya su ye suɔlɔ ɔ, nɛ e nu bɔ nɛ e ma nyɛ.

Lahi 8:7

Nyu babauu be nyɛe maa gbe suɔmi; pa nɛ hyi be nyɛe maa ha e nɔ. Ke nɔ ko ka kaa e kɛ e weto ní tsuo ma he suɔmi ɔ, muɔ nɛ a maa muɔ lɛ.

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Daniel 8:18

Benɛ e kɛ mi ngɛ munyu ɔ tue ɔ, i sɛ diblii mi, nɛ i kɛ ye hɛ mi bu si. Se e fua mi, nɛ e wo ye nɔ kɛ da si ngɛ he nɛ i ngɛ ɔ.

Zakaria 4:1

Bɔfo ɔ nɛ kɛ mi tu munyu ɔ ba ekohu, nɛ e ba hɛli mi si kaa bɔ nɛ a tsɛ̃ɛ̃ɔ nɔ ngɛ mahe mi.

Mateo 7:8

Ejakaa nɔ tsuaa nɔ nɛ biɔ ɔ, a haa lɛ; nɔ nɛ hlaa a, e naa; nɛ nɔ nɛ siɔ sinya a, a bliɔ kɛ haa lɛ.

Mateo 8:17

E pee enɛ ɔ, konɛ nɔ́ nɛ gbalɔ Yesaya de ɔ nɛ ba mi ke, “E ngɔ wa dengme ɔmɛ ngɔ fɔ e nɔ, nɛ e tsa wa hiɔ ɔmɛ.”

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Luka 9:32

Be nɛ ɔ mi tsuo ɔ, mahe gbe Petro kɛ e huɛmɛ ɔmɛ. Se benɛ a hɛ tsɛ̃ ɔ, a na Yesu hɛ mi nyami ɔ, kɛ nyumuhi enyɔ ɔmɛ nɛ daa si ngɛ e kasa nya a.

Yohane 10:4

Ke e je to ɔmɛ kpo ɔ, lɛ nitsɛ e nyɛɛɔ hɛ mi, nɛ to ɔmɛ nyɛɛɔ e se, ejakaa a le e gbi.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Kpojemi 3:20

Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.