Lahi 5:1 - BAIBLO ALOO NGMAMI KLƆUKLƆU Ɔ

¹ Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Lahi 5:1 ပူးပေါင်းရင်းမြစ်များ

Mose I, 37:25

Benɛ a hii si nɛ a ngɛ ní yee ɔ, a na Ishmael bi blɔ hiali komɛ ngɛ afukpɔngɔhi a nɔ nɛ a ma. A je Gilead, nɛ a hɛɛ tsopahi kɛ a he via kɛ yaa Egipt.

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

La 16:3

Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

Abɛ Womi 24:13

Ye bi, moo ye hwo, ejakaa e hi. Nɛ kaa bɔ nɛ hwo nɛ je hwo gbaku mi ngɔɔ ngɛ o lilɛ nɔ ɔ,

Abɛ Womi 9:5

“Ba nɛ o ba ye ye ní ɔ eko, nɛ o nu wai nɛ i futu ɔ hu eko!

Fiɛlɔ 2:5

I pee ngmɔhi kɛ abɔɔhi, nɛ i du tsohi nɛ woɔ yiblii slɔɔtohi ngɛ mi.

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

Lahi 4:16

Kɔɔhiɔ nɛ je omleyi je, tee si koo. Kɔɔhiɔ nɛ je leneyi je, tee si nɛ o fia kɛ ya gu ye we abɔɔ ɔ mi, konɛ lejɛ ɔ tsuo nɛ je via. Ha nɛ ye suɔlɔ ɔ nɛ ba e we abɔɔ ɔ mi, nɛ e ba ye e mi tso yiblii nɔ́ nɛ hi pe kulaa a.

Lahi 4:8

Ye we ayɛflo, ba nɛ wa kple si kɛ je Lebanon yo ɔmɛ a nɔ; ha nɛ waa je Lebanon; waa je Amana yo ɔ yi mi; waa je Senir kɛ Hermon yo ɔmɛ a yi mi he nɛ jatahi kɛ ngatsɛhi hii ɔ.

Lahi 6:11

I ba ngmɛ́ tso abɔɔ ɔ mi, konɛ ma ba hyɛ tso ɔmɛ ngɛ kɔ̃ ɔ mi kaa wai tso ɔmɛ tsɛ̃ ba, nɛ tso ɔmɛ nɛ a yiblii ngɔɔ hu gba mɔmɔ lo.

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Lahi 8:1

I ná nɛ ye nyɛminyumu ji mo. I ná nɛ maa lɛ ha mo nyɔ. Jinɛ ke i kɛ mo kpe ngɛ ma nɔ ɔ, i ko fiɔ o nya he faa, nɛ nɔ ko be nɔ́ ko dee.

Lahi 8:13

Ye suɔlɔ, ha nɛ ma nu o gbi ngɛ abɔɔ ɔ mi koo! Ye huɛmɛ ɔmɛ ngɛ mo tue bue!

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Yesaya 5:1

Bu la nɛ i ngɛ lae ha mo nɛ ɔ tue; la a kɔɔ ye huɛ ko kɛ e wai ngmɔ he. Ye huɛ ɔ ngɛ wai ngmɔ ko ngɛ yo zugba ko nɛ baa ní saminya nɔ.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Luka 12:4

“Ye huɛmɛ, i ngɛ nyɛ dee ke, nihi nɛ gbeɔ nɔmlɔ tso ɔ, nɛ lɔ ɔ se ɔ, a nyɛ we nɛ a peeɔ nɔ́ ko hu ɔ, nyɛ ko ye mɛ gbeye.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Ni Tsumi 11:29

Lɔ ɔ he ɔ, kaseli ɔmɛ pee a yi mi kaa a ti nɔ tsuaa nɔ ma tsu nɔ́ ko bɔ nɛ e ma nyɛ, konɛ a kɛ ya je ngmlaa ha nyɛmimɛ ɔmɛ ngɛ Yudea.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Manyadali 14:11

Benɛ Filisti bi ɔmɛ na lɛ ɔ, a ya ngɔ a huɛmɛ nyingmi etɛ kɛ ba okplɔɔ ɔ he.

Manyadali 14:20

Lɔ ɔ he ɔ, a kɛ Samson yo ɔ ha Samson huɛ ɔ nɛ ya sɛ lɛ yo kpeemi ɔ.