Lahi 4:9 - BAIBLO ALOO NGMAMI KLƆUKLƆU Ɔ

⁹ Ye nyɛmiyo, ye we ayɛflo nɛ i suɔ mo saminya; hɛngmɛ nɛ o kɛ hyɛ mi, kɛ o kuɛ ní nɛ o wo nɛ ɔ gbe ye tsui kulaa.

Lahi 4:9 ပူးပေါင်းရင်းမြစ်များ

Mose I, 20:12

Anɔkuale mi ɔ, ye yo ɔ, imi nitsɛ ye nyɛmi ji lɛ. Tsaatsɛ bi ji lɛ, se pi maa bi, nɛ e ba pee ye yo.

Mose I, 41:42

Farao ɔ je e nguɛ ga kɛ e nɔ womi nya sɔumi nɔ́ ɔ, nɛ e kɛ wo Yosef nguɛ. E wo lɛ kploba tade klɔii saminyayoo ko, nɛ e kɛ sika tsu kɔsɔkɔsɔ wo e kuɛ.

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

Abɛ Womi 1:9

Ejakaa lɔ ɔmɛ nɛ ma dla mo nɛ o ba o je mi saminya, kaa bɔ nɛ duku kpakpa, loo kuɛ ní haa nɔ he peeɔ fɛu ɔ.

Abɛ Womi 6:25

Ko ya di e he fɛu ɔ se; ko ha nɛ e we ajuama hɛngmɛ ɔ nɛ nu mo.

Lahi 1:10

O yi bwɔmi ngɛ fɛu ngɛ o tsitsa he; bwɔmi ɔ kplaa si ngɛ o kuɛ he kaa june.

Lahi 1:15

Ye afɛu yo nɛ i suɔ, o he ngɛ fɛu. O hɛngmɛ ngɛ dɔkɔɔ kaa lahuɛ hɛngmɛ!

Lahi 3:11

Zion yihi, nyɛɛ ba nɛ nyɛ ba hyɛ Matsɛ Salomo. Jlasi nɛ e nyɛ bu lɛ matsɛ ɔ yo kpeemi ligbi ɔ ngɛ e yi. Yo kpeemi ligbi ɔ, a nya, nɛ a bua jɔ wawɛɛ nitsɛ.

Lahi 4:10

O suɔmi ɔ jɔɔ ye bua. Ye tsui kpa, kɛ ye we ayɛflo nɛ i suɔ mo saminya, o suɔmi ɔ ngɔɔ pe wai. O nu via a he via pe tsopa kɛ e he via slɔɔto ɔmɛ tsuo.

Lahi 4:12

Ye nyɛmiyo, ye we ayɛflo nɛ i suɔ mo saminya, o ngɛ kaa abɔɔ nɛ a ngmɛ nya; o ngɛ kaa nyu vu nɛ a sɔu nya.

Lahi 6:12

Benɛ ma hɛli si ɔ, e pee kaa nɔ nɛ i hii si ngɛ zugba lɛ mi ngɛ ye matsɛ ɔ kasa nya.

Lahi 6:5

Koo hyɛ ye hɛ mi; o hɛngmɛhi ha ye he mi po. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Lahi 7:10

Ye suɔlɔ ɔ nɔ́ ji mi; e ngɛ ye se blɔ hlae.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 62:5

Kaa bɔ nɛ niheyo kpeɔ yomiyo ayɛflo ɔ, ja nɔ nɛ bɔ mo ɔ maa ngɔ mo hulɔ. Bɔ nɛ ayɛflo huno nyaa ayɛflo he ɔ, ja o Mawu ɔ bua maa jɔ o he.

Ezekiel 16:11

I ngɔ he dlami ní nɛ ɔmɛ hu kɛ dla o he: nine si ga, kuɛ ní, kɔsɔkɔsɔ,

Ezekiel 16:8

“Benɛ i ba gu lejɛ ɔ ekohu ɔ, i na kaa jehanɛ lɛɛ o wa nɛ o su gbami nya. I ngɔ ye bo kɛ ha o nɔ, nɛ o he fɔ we si gu hu. I ka mo kita, nɛ i kɛ mo so; nɛ i ngɔ mo ngɔ pee ye yo.” Nyɔmtsɛ Yawɛ lɛ de.

Daniel 5:7

Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Mateo 12:50

Nɔ tsuaa nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní ɔ, lɛ ji ye nyɛminyumu, ye nyɛmiyo, loo maa.”

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

1 Korintobi 9:5

Ke wa yaa he ko ɔ, anɛ wa be he blɔ kaa wa yihi nɛ le Kristo ɔ, waa kɛ mɛ nyɛɛɔ kaa bɔ nɛ bɔfo kpa amɛ, kɛ Nyɔmtsɛ ɔ nyɛminyumu ɔmɛ, kɛ Petro peeɔ ɔ lo?

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.