Lahi 4:6 - BAIBLO ALOO NGMAMI KLƆUKLƆU Ɔ

⁶ Ma hi yo ɔ nɔ he nɛ mimɛ ngɛ ɔ; ma hi yoku ɔ nɔ he nɛ tsopa kɛ e he via ngɛ ɔ, kɛ yaa su be nɛ mɔtu kɔɔhiɔ ma bɔni fiami, nɛ je mi ma tsɔ.

Lahi 4:6 ပူးပေါင်းရင်းမြစ်များ

La 66:15

Ma ngɔ lohwe nɛ tu zɔ kɛ ba sã sami bɔ ha mo; ma sã agbosuhi ngɛ bɔ sami la tɛ ɔ nɔ. Na kuhi, kɛ apletsihi ma kɛ sã bɔ, konɛ a je la su ku kɛ ya hiɔwe.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose II, 30:8

Daa gbɔkuɛ hu ke e ma kane ɔmɛ sumi ɔ, e pee ja nɔuu. A sã tsopa kɛ e he via nɛ ɔ daa ngɛ imi Yawɛ, ye hɛ mi. A pee nɔ́ nɛ ɔ yi nɔ tsuaa yi nɔ.

Mose II, 37:29

Jehanɛ, e pee nɔ pɔmi nu klɔuklɔu, ɔ kɛ tsopa kɛ e he via ngmingmiingmi ɔ hulɔ. E futu tsopa amɛ pɛpɛɛpɛ kaa nɔ́ nɛ tsopa kɛ e he via he ní tsulɔ nitsɛ lɛ pee.

Lahi 2:17

E haa mɛ ní hluu kɛ ya siɔ mɔtu kɔɔhiɔ bɔni fiami, nɛ je mi tsɔɔ. Kpale kɛ ba, ye suɔlɔ; kpale kɛ ba kaa batslɔɔ, kpale kɛ ba kaa oflote niheyo ngɛ Beter yo ɔmɛ a nɔ.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 4:14

safron, kalamo, kɛ sinamon, loo tsopa kɛ e he via kpa slɔɔtoslɔɔtohi. Mimɛ kɛ tsopa tso kpahi nɛ jee via hu pɔ he ngɛ lejɛ ɔ.

Lahi 8:14

Ye suɔlɔ, ba ye ngɔ esɔ; tuu kaa batslɔɔ kɛ ba ye ngɔ; tuu kɛ ba kaa odabɔ niheyo tuɔ ngɛ yo ɔmɛ a nɔ he nɛ tsopa kɛ e he via tsohi ngɛ ɔ.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Luka 1:78

Wa Mawu ɔ mi mi jɔ, nɛ e naa mɔbɔ. E ma kpɔ wɔ kaa bɔ nɛ mɔtu pu la fieɔ diblii kɛ yaa se ɔ.

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

1 Yohane 2:8

Se kɛ̃ ɔ, mlaa nɛ i ngɛ ngmae nɛ nyɛɛ ye nɔ nɛ ɔ, mlaa he, ejakaa a naa e we anɔkuale ɔ nɛ ngɛ ní tsue ngɛ nyɛ mi kaa bɔ nɛ e tsu ní ngɛ Kristo mi ɔ. Diblii ɔ ngɛ bee kɛ yaa, nɛ la nitsɛ ɔ bɔni kpɛmi momo.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.