Lahi 4:5 - BAIBLO ALOO NGMAMI KLƆUKLƆU Ɔ

⁵ O nyɔ ɔmɛ ngɛ kaa batslɔhi, loo odabɔ hawi enyɔ nɛ a ngɛ ní yee ngɛ nga nɔ mɔmɔhi a mi.

Lahi 4:5 ပူးပေါင်းရင်းမြစ်များ

Abɛ Womi 5:19

E he ngɛ fɛu saminyayoo kaa odabɔ. Ha e he nɛ pee mo akɔnɔ, nɛ e suɔmi ɔ nɛ fi mo kɛ mɛtɛ e he daa.

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Lahi 6:3

I ngɔ ye he kɛ ha ye suɔlɔ ɔ, nɛ lɛ hu e ngɔ e he kɛ ha mi. E hyɛɔ e to ɔmɛ ngɛ nga nɔ mɔmɔ ɔmɛ a mi ngɛ lejɛ ɔ.

Lahi 7:3

O nyɔ ɔmɛ ngɛ kaa odabɔ enyɔ, aloo batslɔɔ hawi.

Lahi 7:4

O kuɛ da si kaa mɔ nɛ a ngɔ suɔ wu kɛ ma. O hɛngmɛhi ngɛ kaa takuhi ngɛ Batrabim agbo ɔ nya ngɛ Heshbon ma a mi. O gugwɔ ngɛ kaa Lebanon mɔ gojoo ɔ nɛ e yi je kpo ngɛ Damasko ma a nɔ ɔ.

Lahi 7:7

O nɔmlɔ tso da si tsa kaa tã, nɛ o nyɔhi ngɛ kaa tã he ywie sau.

Lahi 8:1

I ná nɛ ye nyɛminyumu ji mo. I ná nɛ maa lɛ ha mo nyɔ. Jinɛ ke i kɛ mo kpe ngɛ ma nɔ ɔ, i ko fiɔ o nya he faa, nɛ nɔ ko be nɔ́ ko dee.

Lahi 8:10

Gbogbo ji mi, ye nyɔ ɔmɛ ji mɔhi ngɛ gbogbo ɔ nɔ. Ye suɔlɔ ɔ le kaa ye bua jɔɔ ye he, nɛ ye tue mi jɔɔ mi ngɛ e ngɔ.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.