Lahi 4:2 - BAIBLO ALOO NGMAMI KLƆUKLƆU Ɔ

² O lunguhi hiɔ kaa jijɔhi nɛ a sã a he bwɔmi, nɛ́ a du a he ha mɛ kɛ́ we. O lungu ɔmɛ a yibɔ su; a kpe sioo ngɛ o nya mi.

Lahi 4:2 ပူးပေါင်းရင်းမြစ်များ

Mose II, 23:26

Yo ko mi be sanee, nɛ yo ko hu be yosa pee ngɛ zugba a nɔ. Ma ha o wami se maa kɛ.

Lahi 4:1

Ye afɛu yo; o he ngɛ fɛu saminya! Hyɛ bɔ nɛ o hɛngmɛ ɔmɛ ngɛ kpɛe kɛ suɔmi ngɛ o hɛ mi hami nɔ́ ɔ se. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Lahi 4:3

O nya lo ngɛ kaa kpa tsu. Ke o pa o nya mi nɛ o maa tu munyu ɔ, e ngɛ fɛu kɛkɛ. O tsitsa ngɛ tsɛ̃e ngɛ o hɛ mi hami nɔ́ ɔ se.

Lahi 6:6

O lunguhi hiɔ kaa jijɔhi nɛ a sã a he bwɔmi, nɛ a du a he ha mɛ kɛ we. O lungu ɔmɛ a yibɔ su; a kpe sioo ngɛ o nya mi.

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.