Lahi 4:16 - BAIBLO ALOO NGMAMI KLƆUKLƆU Ɔ

¹⁶ Kɔɔhiɔ nɛ je omleyi je, tee si koo. Kɔɔhiɔ nɛ je leneyi je, tee si nɛ o fia kɛ ya gu ye we abɔɔ ɔ mi, konɛ lejɛ ɔ tsuo nɛ je via. Ha nɛ ye suɔlɔ ɔ nɛ ba e we abɔɔ ɔ mi, nɛ e ba ye e mi tso yiblii nɔ́ nɛ hi pe kulaa a.

Lahi 4:16 ပူးပေါင်းရင်းမြစ်များ

Fiɛlɔ 1:6

Kɔɔhiɔ fiaa kɛ yaa leneyi je, nɛ e lɔgɔɔ si kɛ yaa omleyi je. Kikɛ nɛ ɔ kɔɔhiɔ hii si bɔlee hluu kɛ ya suu be nɛ e kpaleɔ kɛ baa he nɛ e fia kɛ je ɔ ekohu.

Fiɛlɔ 2:5

I pee ngmɔhi kɛ abɔɔhi, nɛ i du tsohi nɛ woɔ yiblii slɔɔtohi ngɛ mi.

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Lahi 2:8

I nu ye suɔlɔ ɔ gbi. E ngɛ hiie ngɛ yo ɔmɛ a nɔ kɛ ma; e ngɛ fo tue ngɛ yoku ɔmɛ a nɔ kɛ ma ye ngɔ.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Lahi 8:12

Se imi nitsɛ ye wai abɔɔ ɔ lɛɛ ke a kpa ní ɔ, mo Salomo, o ma na sika hiɔ yi akpe, nɛ apaatsɛmɛ ɔmɛ ma na lafa enyɔɔnyɔ.

Yesaya 64:1

I ná nɛ hiɔwe mi gba enyɔ nɛ o kple si kɛ ba!

Ezekiel 37:9

Jehanɛ Nyɔmtsɛ Yawɛ de mi ke, “Nɔmlɔ adesa, gbaa kɛ tsɔɔ mumi ɔ. De lɛ ke Nyɔmtsɛ Yawɛ ke e je je ɔ kɔ nya eywiɛ ɔmɛ tsuo kɛ ba, nɛ e ba wo mumi kɛ pue gbogboe nɛ ɔmɛ a nɔ, konɛ a ba wami mi ekohu.”

Mateo 26:10

Se Yesu na a juɛmi ɔ momo. Lɔ ɔ he ɔ, e bi mɛ ke, “Mɛni he je nyɛ ngɛ yo ɔ nya dooe? E tsu ní tsumi saminyayoo ha mi.

Mateo 26:12

Nu kɛ e he via nɛ ɔ nɛ e plɛ ngɔ pue ye nɔmlɔ tso nɔ ɔ, e kɛ dla mi ngɔ to ye pumi be.

Yohane 3:8

Kɔɔhiɔ ɔ, e fiaa kɛ yaa he tsuaa he nɛ e suɔ; o nuɔ e fiami ɔ, se he nɛ e je, kɛ he nɛ e yaa lɛɛ o li. Kikɛ nɛ ɔ nɔ tsuaa nɔ nɛ a je Mumi mi fɔ lɛ ɔ ngɛ.”

Yohane 5:8

Yesu de lɛ ke, “Tee si, wo o sa a nɛ o nyɛɛ.”

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 15:28

Ke i ngɔ nike ní tsuo nɛ a bua nya a ya su mɛ ɔ, ma pue blɔ kɛ ba gu nyɛ ngɔ kɛ ho Spania ya.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.