Lahi 4:15 - BAIBLO ALOO NGMAMI KLƆUKLƆU Ɔ

¹⁵ A bɔɔ ɔ naa nyu nɛ haa nɔ wami kɛ jee vuhi, pahi nɛ ngɛ bee, kɛ pa wawi nɛ jee Lebanon yo ɔ nɔ ɔ a mi.

Lahi 4:15 ပူးပေါင်းရင်းမြစ်များ

La 46:4

Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

Abɛ Womi 5:16

Anɛ e sa kaa o wo ngmɛdu ngɛ gbɛjegbɛ nɔ ngɛ je ɔ mi tsuo kɛ bɔle si lo?

Abɛ Womi 5:18

Lɔ ɔ he ɔ, ha o yo bua jɔmi. O nihe mi yo kpeekpee ɔ, na e he bua jɔmi.

Fiɛlɔ 2:6

I gba nyu dɔhi nɛ i kɛ haa tso ɔmɛ nyu.

Lahi 4:12

Ye nyɛmiyo, ye we ayɛflo nɛ i suɔ mo saminya, o ngɛ kaa abɔɔ nɛ a ngmɛ nya; o ngɛ kaa nyu vu nɛ a sɔu nya.

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yohane 7:38

A ngma ke, ‘Nɔ tsuaa nɔ nɛ heɔ mi yeɔ ɔ, pa nɛ baa nyu babaaba nɛ wami ngɛ mi maa fo dɔ kɛ je e tsui mi.’ ”

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he