Lahi 4:14 - BAIBLO ALOO NGMAMI KLƆUKLƆU Ɔ

¹⁴ safron, kalamo, kɛ sinamon, loo tsopa kɛ e he via kpa slɔɔtoslɔɔtohi. Mimɛ kɛ tsopa tso kpahi nɛ jee via hu pɔ he ngɛ lejɛ ɔ.

Lahi 4:14 ပူးပေါင်းရင်းမြစ်များ

Mose I, 43:11

A tsɛ Yakob de mɛ ke, “Ke ja ji sane ɔ, lɛɛ nyɛɛ ngɔ zugba nɛ ɔ nɔ ní kpakpa amɛ ekomɛ kɛ wo nyɛ kotoku ɔmɛ a mi, nɛ nyɛ kɛ ya ke ganɔ ɔ. Nyɛɛ ngɔ tsopa nu bɔɔ, bila, hwo bɔɔ, kɛ tsopahi kɛ a he via bɔɔ, gigɛ bɔɔ, kɛ ngmɛ́ bɔɔ.

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

Mose II, 30:23

“Yaa nɛ o ya hla tsopa kɛ e he via kpakpa nɛ ɔmɛ: mire nyu kilo ekpa, sinamon nɛ jeɔ via ja hiɛmi fa, nɛ ji kilo etɛ, kalamo nɛ jeɔ via kilo etɛ,

Abɛ Womi 7:17

I kɛ tsopa kɛ e he via nɛ ɔmɛ wo sa a mi: mimɛ, aloe, kɛ sinamon.

Lahi 1:12

Ye matsɛ ɔ kpasa si ngɛ e we akpasa mi, nɛ ye nu kɛ e he via a ngɛ via jee liliili ngɛ lejɛ ɔ tsuo.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 4:6

Ma hi yo ɔ nɔ he nɛ mimɛ ngɛ ɔ; ma hi yoku ɔ nɔ he nɛ tsopa kɛ e he via ngɛ ɔ, kɛ yaa su be nɛ mɔtu kɔɔhiɔ ma bɔni fiami, nɛ je mi ma tsɔ.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Mose IV, 24:6

A ngɛ kaa dɔhi nɛ a gba kɛ yaa tsitsaa, aloo abɔɔhi ngɛ pa tue. A ngɛ kaa tso kɛ e he via nɛ Yawɛ du; A ngɛ kaa seda tsohi ngɛ pa tue.

Marko 16:1

Benɛ Hejɔɔmi ligbi ɔ be ɔ, Maria Magdalena, kɛ Yakobo nyɛ Maria, kɛ Salome ya he tsopa kɛ e he via, konɛ a kɛ ba kpa Yesu gbogboe ɔ.

Yohane 19:39

Nikodemo, nɔ nɛ be ko e ya Yesu ngɔ nyɔ mi ɔ, lɛ hu e ngɔ tsopa kɛ e he via, nɛ ji mire kɛ aloe nɛ a futu, nɛ jiimi maa pee kilo nyingmi etɛ kɛ ba, nɛ e piɛ Yosef he kɛ ho.

Kpojemi 18:13

sinamon, tsopa kɛ e he via, mire, mimɛ, dã, nu, mamu, ngma, na, to, okpɔngɔ, zugba lɛ, nyɔguɛ, kɛ nimli nɛ a hɛ ngɛ tete.