Lahi 4:11 - BAIBLO ALOO NGMAMI KLƆUKLƆU Ɔ

¹¹ Ye we ayɛflo nɛ i suɔ, ke a fiɔ o nya he ɔ, e ngɔɔ kaa hwo, o lilɛ ngɛ kaa nyɔ nyu kɛ hwo ha mi; o bo mi he via kaa Lebanon he via.

Lahi 4:11 ပူးပေါင်းရင်းမြစ်များ

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Lahi 7:9

Ke a fiɔ o nya he ɔ, é ngɔ kaa wai kpakpa. Ke e ngɛ ja a, lɛɛ ha nɛ wai ɔ ya su ye suɔlɔ ɔ, nɛ e nu bɔ nɛ e ma nyɛ.

Lahi 5:13

E tsitsa ngɛ kaa abɔɔ ko nɛ tsopa kɛ e he via ngɛ via jee liliili ngɛ mi. E nya lo ngɛ kaa nga nɔ mɔmɔhi nɛ mimɛ nyu pɔ mɛ.

Mose I, 27:27

Benɛ Yakob hɛ lɛ kɛ ba konɛ e ba fiɔ Isak nya he ɔ, Isak nu e tade ɔ mi via; lɔ ɔ he ɔ, e gbaa lɛ. E de lɛ ke, “Ye bi ɔ he via kaa ngmɔ ko nɛ Yawɛ gbaa nɔ, nɛ baa ní ɔ nɔ via.

Hebribi 13:15

Lɔ ɔ he ɔ, e hia kaa wa je Mawu yi daa. Wɔ nihi nɛ wa heɔ Mawu yeɔ ɔ, nɔ́ nɛ waa kɛ wa nya jaje ɔ kɛ jeɔ e Bi ɔ yi ɔ ji bɔ nɛ wa ngɛ sãe ha Mawu kɛ gu Yesu Kristo nɔ ɔ nɛ.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Yesaya 7:15

Loko e hɛ ma fã nɛ e maa le kpakpa kɛ yayami a kpɛti slɔɔto ɔ, ma a mi bi ɔmɛ ma ná na nyɔ nyu maa nu, nɛ a ma na hwo maa ye ekohu.

Lahi 4:3

O nya lo ngɛ kaa kpa tsu. Ke o pa o nya mi nɛ o maa tu munyu ɔ, e ngɛ fɛu kɛkɛ. O tsitsa ngɛ tsɛ̃e ngɛ o hɛ mi hami nɔ́ ɔ se.

Abɛ Womi 16:24

Munyu kpakpa ngɔɔ kaa hwo; e haa nɔmlɔ tso ɔ he wami.

Abɛ Womi 5:3

Ke yo yaholɔ fiɔ o nya he ɔ, e lilɛ ngɔɔ pe hwo; e nya mi munyu hu ngɛ ngleinglei kaa nu.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

La 19:10

A he ngɛ akɔnɔ pe sika tsu ngmingmiingmi; a ngɔɔ pe hwo, hwo nɛ je hwo gbaku mi pue si.

Lahi 4:10

O suɔmi ɔ jɔɔ ye bua. Ye tsui kpa, kɛ ye we ayɛflo nɛ i suɔ mo saminya, o suɔmi ɔ ngɔɔ pe wai. O nu via a he via pe tsopa kɛ e he via slɔɔto ɔmɛ tsuo.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

Abɛ Womi 5:2

konɛ o hyɛ o he nɔ saminya, nɛ o munyu tumi nɛ tsɔɔ kaa ní lelɔ ji mo.