Lahi 4:10 - BAIBLO ALOO NGMAMI KLƆUKLƆU Ɔ

¹⁰ O suɔmi ɔ jɔɔ ye bua. Ye tsui kpa, kɛ ye we ayɛflo nɛ i suɔ mo saminya, o suɔmi ɔ ngɔɔ pe wai. O nu via a he via pe tsopa kɛ e he via slɔɔto ɔmɛ tsuo.

Lahi 4:10 ပူးပေါင်းရင်းမြစ်များ

Lahi 1:12

Ye matsɛ ɔ kpasa si ngɛ e we akpasa mi, nɛ ye nu kɛ e he via a ngɛ via jee liliili ngɛ lejɛ ɔ tsuo.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 4:9

Ye nyɛmiyo, ye we ayɛflo nɛ i suɔ mo saminya; hɛngmɛ nɛ o kɛ hyɛ mi, kɛ o kuɛ ní nɛ o wo nɛ ɔ gbe ye tsui kulaa.

Lahi 5:5

I te si, konɛ ma bli sinya a ha ye suɔlɔ ɔ. I kpa ye kɔni ɔmɛ a he mimɛ, nɛ e he nyu ɔ ngɛ dɛe ngɛ ye nine nguɛ nya kɛ ngɛ sinya a se lami nɔ́ ɔ nɛ i pɛtɛ he ɔ nɔ puee.

Lahi 7:6

Ye weyo nɛ i suɔ, o he ngɛ fɛu saminya; o he ngɛ akɔnɔ kaa nɔ́ ko.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.