Lahi 4:1 - BAIBLO ALOO NGMAMI KLƆUKLƆU Ɔ

¹ Ye afɛu yo; o he ngɛ fɛu saminya! Hyɛ bɔ nɛ o hɛngmɛ ɔmɛ ngɛ kpɛe kɛ suɔmi ngɛ o hɛ mi hami nɔ́ ɔ se. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Lahi 4:1 ပူးပေါင်းရင်းမြစ်များ

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Lahi 1:15

Ye afɛu yo nɛ i suɔ, o he ngɛ fɛu. O hɛngmɛ ngɛ dɔkɔɔ kaa lahuɛ hɛngmɛ!

Lahi 2:10

Ye suɔlɔ ɔ ngɛ mi nɔ́ ko dee. Ye suɔlɔ, ye afɛu yo; ba nɛ waa ho koo!

Lahi 2:14

O ngɛ kaa lahuɛ nɛ ya laa e he ngɛ tɛ sa puɔ mi. Ha nɛ ma na o hɛ mi. O he ngɛ fɛu loo. Ha nɛ ma nu o gbi. O gbi ngɔɔ loo!

Lahi 6:5

Koo hyɛ ye hɛ mi; o hɛngmɛhi ha ye he mi po. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Lahi 6:7

O tsitsa ngɛ tsɛ̃e ngɛ o hɛ mi hami nɔ́ ɔ se.

Lahi 7:5

O yi maa si ngɛ o kuɛ nɔ kaa Karmel yo ɔ. O yi nɛ a gbɔ ɔ ngɛ kpɛe kaa bo nɛ hɛɛ alamua tu su; e peeɔ matsɛ po akɔnɔ.

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Ezekiel 16:14

O he pee fɛu kɛ pi si, nɛ o he biɛ ngɛ je ɔ mi tsuo; ejakaa imi nitsɛ lɛ i dla o he ha mo ja.” Nyɔmtsɛ Yawɛ lɛ de.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Mose IV, 32:1

Ruben bi ɔmɛ, kɛ Gad bi ɔmɛ ngɛ lohwehi babauu nitsɛ. Benɛ a na kaa Yazer zugba a, kɛ Gilead zugba a hi ha lohwe lɛmi ɔ,

Mose IV, 32:40

Lɔ ɔ he ɔ, Mose ngɔ Gilead ngɔ ha Manase binyumu Makir bimɛ ɔmɛ, nɛ a hi lejɛ ɔ.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.