Lahi 3:6 - BAIBLO ALOO NGMAMI KLƆUKLƆU Ɔ

⁶ Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 3:6 ပူးပေါင်းရင်းမြစ်များ

Mose II, 30:34

Yawɛ de Mose ke, “Moo ngmɛ tsopa kɛ e he via nɛ ɔmɛ nɛ a jiimi nɛ pee fiee: stakte, onitsa, galbanum, kɛ mimɛ ngmingmiingmi.

Abɛ Womi 7:17

I kɛ tsopa kɛ e he via nɛ ɔmɛ wo sa a mi: mimɛ, aloe, kɛ sinamon.

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Lahi 3:7

Salomo ji nɔ nɛ ma a nɛ; a tloo lɛ ngɛ tsokpo mi kɛ ma. Israel tatsɛmɛ kpanakpanaa a kpɛti nyingmi ekpa ji tabo nɛ ngɛ e he bue kɛ ma.

Lahi 4:6

Ma hi yo ɔ nɔ he nɛ mimɛ ngɛ ɔ; ma hi yoku ɔ nɔ he nɛ tsopa kɛ e he via ngɛ ɔ, kɛ yaa su be nɛ mɔtu kɔɔhiɔ ma bɔni fiami, nɛ je mi ma tsɔ.

Lahi 5:13

E tsitsa ngɛ kaa abɔɔ ko nɛ tsopa kɛ e he via ngɛ via jee liliili ngɛ mi. E nya lo ngɛ kaa nga nɔ mɔmɔhi nɛ mimɛ nyu pɔ mɛ.

Lahi 5:5

I te si, konɛ ma bli sinya a ha ye suɔlɔ ɔ. I kpa ye kɔni ɔmɛ a he mimɛ, nɛ e he nyu ɔ ngɛ dɛe ngɛ ye nine nguɛ nya kɛ ngɛ sinya a se lami nɔ́ ɔ nɛ i pɛtɛ he ɔ nɔ puee.

Lahi 8:5

Mɛnɔ nɛ je nga kplanaa a nɔ kɛ ma, nɛ e kɛ e nine la e suɔlɔ mi kikɛ nɛ ɔ? Imi nɛ i ba tsɛ̃ɛ̃ mo ngɛ tso nɛ yiblii ngɔɔ saminya a sisi, he nɛ o nyɛ nu kɔɔmi nɛ e fɔ mo ngɛ ɔ.

Yesaya 43:19

Nɔ́ he nɛ ma pee ɔ, nyɛɛ hyɛ lɔ ɔ mohu blɔ; nɔ́ he ɔ je sisi momo; nyɛ bli nyɛ hɛngmɛ nɛ nyɛɛ hyɛ! Ma je gbɛjegbɛ ko kɛ gu nga kplanaa a nɔ, nɛ ma ha pahi maa hia ngɛ lejɛ ɔ.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yeremia 31:2

I na nihi nɛ a he je gbenɔ mi ɔ mɔbɔ ngɛ nga a nɔ. Benɛ Israel bi ɔmɛ ngɛ hlae nɛ a jɔɔ a he ɔ,

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Kpojemi 12:14

Se a ha yo ɔ kɔle nguaa a pɛli enyɔ ɔmɛ, konɛ e kɛ tu fo kɛ ya e hi he ɔ ngɛ nga a nɔ. A maa hyɛ e nɔ ngɛ lejɛ ɔ jeha etɛ kɛ fa, nɛ sinɔ nguaa a nine be e nɔ sue.

Kpojemi 12:6

Yo ɔ tu fo kɛ ho nga nɔ ya ngɛ he ko nɛ Mawu dla ngɔ to lɛ, nɛ a ya hyɛ e nɔ ligbi akpe kɛ e nya lafa enyɔ kɛ nyingmi ekpa.

Kpojemi 18:13

sinamon, tsopa kɛ e he via, mire, mimɛ, dã, nu, mamu, ngma, na, to, okpɔngɔ, zugba lɛ, nyɔguɛ, kɛ nimli nɛ a hɛ ngɛ tete.

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.