Lahi 3:3 - BAIBLO ALOO NGMAMI KLƆUKLƆU Ɔ

³ Ma a mi buli ɔmɛ nɛ ngɛ si poe ngɛ ma a mi ɔ kɛ mi ba kpe. I bi mɛ ke, “Nyɛ na ye suɔlɔ ɔ ha mi lo?”

Lahi 3:3 ပူးပေါင်းရင်းမြစ်များ

Lahi 5:7

Buli ɔmɛ nɛ ngɛ si poe ngɛ ma a mi ɔ ba na mi; a fia mi nɔ́, a plaa mi; nɛ buli ɔmɛ nɛ ngɛ gbogbo ɔ nɔ ɔ kpɔ ye hɛ mi hami nɔ́ ɔ kɛ je.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

Yohane 20:15

Yesu bi lɛ ke, “Maa, mɛni he je nɛ o ngɛ ya foe ɔ? Mɛnɔ o ngɛ hlae?” Maria susu kaa eko ɔ, abɔɔ ɔ mi dlalɔ ji lɛ, lɔ ɔ he ɔ, e de Yesu ke, “Nyɔmtsɛ, ke mo nɛ o ba wo lɛ kɛ je hiɛ ɔ, lɛɛ tsɔɔ mi he nɛ o kɛ lɛ ya fɔ nɛ ma ya wo lɛ.”

Ezekiel 3:17

“Nɔmlɔ adesa, i pee mo bulɔ kɛ ha Israel ma a; lɔ ɔ he ɔ, bu ye nya mi munyu ɔmɛ tue saminya, konɛ o kɛ bɔ mɛ kɔkɔ ha mi.

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Yesaya 56:10

E ke, “Ma hɛ mi nyɛɛli ɔmɛ nɛ sa kaa a kaa ye ma a hɛ mi ɔ, hɛ yuyuili ji mɛ tsuo; a li nɔ́ ko nɔ́ ko! A ngɛ kaa we he bumi gbehi nɛ kpa we ngmlaa; daa nɛ ɔ, mahe mi kɛkɛ a hii nɛ a hii nlae. Lɔ ɔ ji nɔ́ nɛ a suɔ!

Lahi 1:7

Ye suɔlɔ, mo de mi. Jije o ma tsɔ̃ o to ɔmɛ kɛ ya nɛ a ya ye ní? Ke pu nya wa a, jije o maa jɔɔ o he ngɛ? Mɛni he je nɛ ma hi si kpae kɛ hi mo hlae ngɛ to hyɛli kpa amɛ a to ɔmɛ a kpɛti ɔ?