Lahi 2:9 - BAIBLO ALOO NGMAMI KLƆUKLƆU Ɔ

⁹ Ye suɔlɔ ɔ ngɛ kaa batslɔɔ; e ngɛ kaa oflote niheyo. O nɛ lɛ nɛ daa si ngɛ wa tsu ɔ se. E ngɛ saflɛ ɔ mi hyɛe; e ngɛ saflɛ puɔ ɔmɛ a mi flie.

Lahi 2:9 ပူးပေါင်းရင်းမြစ်များ

Samuel II, 2:18

Zeruya binyumu etɛ ɔmɛ hu ngɛ lejɛ ɔ. Mɛ ji Yoab, Abishai, kɛ Asahel. Asahel nane nya sɔɔ kaa alɔngɔ.

Abɛ Womi 5:19

E he ngɛ fɛu saminyayoo kaa odabɔ. Ha e he nɛ pee mo akɔnɔ, nɛ e suɔmi ɔ nɛ fi mo kɛ mɛtɛ e he daa.

Abɛ Womi 6:5

Je o he kɛ je sane nɛ ɔ mi esɔ kaa bɔ nɛ odabɔ, aloo lohwe pɛlitsɛ tuɔ detsɛ nya fo ɔ.

Abɛ Womi 7:6

Ligbi ko be nɛ i ngɛ saflɛ mi hyɛe ngɛ ye we ɔ mi ɔ,

Lahi 1:16

Ye suɔlɔ kpakpa pe kulaa, hyɛ bɔ nɛ o he ngɛ bua jɔmi ha! Nga mumu nɔ wa maa hwɔ,

Lahi 2:17

E haa mɛ ní hluu kɛ ya siɔ mɔtu kɔɔhiɔ bɔni fiami, nɛ je mi tsɔɔ. Kpale kɛ ba, ye suɔlɔ; kpale kɛ ba kaa batslɔɔ, kpale kɛ ba kaa oflote niheyo ngɛ Beter yo ɔmɛ a nɔ.

Lahi 2:7

Yerusalem yihi, nyɛɛ wo mi si; nyɛ ka mi kita kaa nyɛ na odabɔ nɛ he sɔɔ, kɛ batslɔɔ kaa nyɛ be ye suɔlɔ ɔ tsɛe kɛ yaa si be nɛ lɛ nitsɛ e maa te si.

Lahi 3:5

Yerusalem yihi, nyɛɛ wo mi si! Nyɛ ka mi kita kaa nyɛ na odabɔ nɛ he sɔɔ, kɛ batslɔɔ kaa nyɛ be ye suɔlɔ ɔ tsɛe kɛ yaa si be nɛ lɛ nitsɛ e maa te si.

Lahi 8:14

Ye suɔlɔ, ba ye ngɔ esɔ; tuu kaa batslɔɔ kɛ ba ye ngɔ; tuu kɛ ba kaa odabɔ niheyo tuɔ ngɛ yo ɔmɛ a nɔ he nɛ tsopa kɛ e he via tsohi ngɛ ɔ.

Luka 24:35

Ni enyɔ ɔmɛ hu bɔ mɛ nɔ́ nɛ ba ngɛ blɔ ɔ nɔ, kɛ bɔ nɛ pee nɛ a yo lɛ benɛ e ku abolo ɔ mi ɔ.

Yohane 12:41

Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Yohane 5:46

Kaa nyɛ he Mose ye jinɛ imi hu nyɛ ma he mi maa ye, ejakaa munyuhi nɛ e ngma a, ye he e ngma ngɛ.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

Kolosebi 2:17

Ní nɛ ɔmɛ tsuo ngɛ kaa níhi nɛ maa ba hwɔɔ se ɔ a nini kɛkɛ; nitsɛnitsɛ ɔ ji Kristo.

Hebribi 10:1

Yuda bi ɔmɛ a mlaa a ngɛ kaa ní kpakpahi nɛ hi kɛ pi si nɛ maa ba hwɔɔ se ɔ a nini kɛkɛ, pi ní ɔmɛ nitsɛmɛ. Lɛɛ kɛ a maa pee kɛ gu kikɛmɛ a bɔ kake too nɛ a hii sãe nɔtonɔto daa jeha a nɔ kɛ tsu nihi nɛ baa Mawu ngɔ ɔ a he nɛ a hi kɛ pi si kɛɛ?

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Manyadali 5:28

Sisera nyɛ ya hyɛ saflɛ mi; e kpa huhui kɛ je saflɛ puɔ ɔmɛ a se nɛ e bi ke, “Mɛni he je e ta zugba lɛ ɔmɛ bɛ lolo ɔ? Mɛni he je wa nui okpɔngɔ ɔmɛ a nane kokloto he lolo ɔ?”