Lahi 2:4 - BAIBLO ALOO NGMAMI KLƆUKLƆU Ɔ

⁴ E kɛ mi ba e asa a nɔ niye he ɔ; lejɛ ɔ nɛ e je e suɔmi kpo ngɛ kɛ ha mi.

Lahi 2:4 ပူးပေါင်းရင်းမြစ်များ

Ester 7:7

Matsɛ ɔ hɛ dɔ, nɛ e je kpo kɛ ho abɔɔ ɔ nɛ ngɛ matsɛ we ɔ mi ya. Haman na kaa matsɛ ɔ to e yi mi kaa e ma kpata e hɛ mi ngɛ nɔ́ nɛ ɔ he; lɔ ɔ he ɔ, lɛ Haman ɔ lɛɛ e mlɛ ngɛ se, konɛ e kpa Manyɛ Ester pɛɛ nɛ a ngɔ e wami kɛ ke lɛ.

Hiob 1:10

O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

La 20:5

Ke o ye kunimi ɔ, wa ma hwɔ lele. Wa ma wo aflangaa nɔ ngɛ wa Mawu ɔ hɛ mi kɛ tsɔɔ kaa wa bua jɔ. Yawɛ nɛ ha mo níhi tsuo nɛ o fa a he kue ɔ.

La 60:4

O si aflangaa ko ha ni nɛmɛ nɛ yee mo gbeye ɔ, konɛ a bua a he nya kɛ ba o ngɔ nɛ a hɛ mi ko kpata.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

Lahi 1:1

Salomo la amɛ a mi nɔ́ nɛ ngɔɔ pe kulaa ji nɛ ɔmɛ nɛ.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Lahi 6:4

Ye suɔlɔ, o he ngɛ fɛu kaa Yerusalem; o he ngɛ akɔnɔ kaa Tirza ma a. O nu ye tsui kaa nɔ́ nɛ aflaangaa ngɛ tabo yi.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Kpojemi 3:20

Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.