Lahi 2:16 - BAIBLO ALOO NGMAMI KLƆUKLƆU Ɔ

¹⁶ I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Lahi 2:16 ပူးပေါင်းရင်းမြစ်များ

Lahi 6:3

I ngɔ ye he kɛ ha ye suɔlɔ ɔ, nɛ lɛ hu e ngɔ e he kɛ ha mi. E hyɛɔ e to ɔmɛ ngɛ nga nɔ mɔmɔ ɔmɛ a mi ngɛ lejɛ ɔ.

Lahi 7:10

Ye suɔlɔ ɔ nɔ́ ji mi; e ngɛ ye se blɔ hlae.

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Lahi 7:13

O maa nu wai tso yiblii he via ngɛ lejɛ ɔ. Tso yiblii kpakpa amɛ tsuo pueɔ si ngɛ wa sinya a nya: tso yiblii ehehi, kɛ momohi. Ye suɔlɔ, níhi nɛ a bua nya kɛ to mo ji nɛ ɔmɛ nɛ.

Lahi 4:5

O nyɔ ɔmɛ ngɛ kaa batslɔhi, loo odabɔ hawi enyɔ nɛ a ngɛ ní yee ngɛ nga nɔ mɔmɔhi a mi.

Lahi 2:1

Sharon pú mi mɔmɔ kɛkɛ ji mi; kɔ̃ mi mɔmɔ ko kɛkɛ ji mi.

Lahi 1:7

Ye suɔlɔ, mo de mi. Jije o ma tsɔ̃ o to ɔmɛ kɛ ya nɛ a ya ye ní? Ke pu nya wa a, jije o maa jɔɔ o he ngɛ? Mɛni he je nɛ ma hi si kpae kɛ hi mo hlae ngɛ to hyɛli kpa amɛ a to ɔmɛ a kpɛti ɔ?

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Lahi 7:11

Ye suɔlɔ nɛ i suɔ mo, ha nɛ waa ho nga a nɔ ya nɛ wa ya hi kɔpe ɔmɛ a mi.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”