Lahi 1:8 - BAIBLO ALOO NGMAMI KLƆUKLƆU Ɔ

⁸ Mo nɛ o he ngɛ fɛu pe yihi tsuo, o li lejɛ ɔ? Yaa nɛ o ya nyɛɛ to ɔmɛ a se. Yaa ha o to ɔmɛ ní ngɛ to hyɛli ɔmɛ a bo tsu ɔmɛ a kasa nya.

Lahi 1:8 ပူးပေါင်းရင်းမြစ်များ

La 16:3

Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

La 45:13

Niatsɛmɛ tete po maa ngɔ nike ní kɛ ba. A wo matsɛ biyo ɔ ní saminyayoo ngɛ e tsu ɔ mi. Bo nɛ e bu ɔ, sika tsu kpa a kɛ lo.

Abɛ Womi 8:34

Nɔ nɛ buɔ mi tue, nɛ e hii si ngɛ ye sinya nya daa ligbi, nɛ e hii mlɛe ngɛ ye agbo nya a, e naa bua jɔmi.

Lahi 1:15

Ye afɛu yo nɛ i suɔ, o he ngɛ fɛu. O hɛngmɛ ngɛ dɔkɔɔ kaa lahuɛ hɛngmɛ!

Lahi 2:10

Ye suɔlɔ ɔ ngɛ mi nɔ́ ko dee. Ye suɔlɔ, ye afɛu yo; ba nɛ waa ho koo!

Lahi 4:1

Ye afɛu yo; o he ngɛ fɛu saminya! Hyɛ bɔ nɛ o hɛngmɛ ɔmɛ ngɛ kpɛe kɛ suɔmi ngɛ o hɛ mi hami nɔ́ ɔ se. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Lahi 4:10

O suɔmi ɔ jɔɔ ye bua. Ye tsui kpa, kɛ ye we ayɛflo nɛ i suɔ mo saminya, o suɔmi ɔ ngɔɔ pe wai. O nu via a he via pe tsopa kɛ e he via slɔɔto ɔmɛ tsuo.

Lahi 4:7

Ye afɛu yo, o he ngɛ fɛu tsɔ; o he ngɛ fɛu kɛ pi si!

Lahi 5:9

Mo nɛ o he ngɛ fɛu pe yihi tsuo, mɛni o suɔlɔ ɔ kɛ pe suɔli kpahi? Mɛni ngɛ nyakpɛ tsɔ ngɛ o suɔlɔ ɔ he, nɛ o deɔ wɔ ke wa ka mo kita a?

Lahi 6:1

Mo nɛ o he ngɛ fɛu pe yihi tsuo, jije o suɔlɔ ɔ ho? Tsɔɔ wɔ he nɛ o suɔlɔ ɔ gu, konɛ waa piɛ o he kɛ hla lɛ.

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Yohane 21:15

Benɛ a ye ní ɔ gbe nya a, Yesu bi Simon Petro ke, “Simon, Yohane bi, anɛ o suɔ mi pe bɔ nɛ ni nɛ ɔmɛ suɔ mi lo?” Simon he nɔ ke, “Nyɔmtsɛ, o le kaa i suɔ mo!” Yesu de lɛ ke, “Lɛɛ ye to bi ɔmɛ.”

1 Korintobi 11:1

Nyɛɛ ngɔ mi ngɔ pee nɔ hyɛmi nɔ́ kaa bɔ nɛ imi hu i ngɔ Kristo ngɔ pee ye nɔ hyɛmi nɔ́ ɔ.

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Yakobo 2:21

Mɛni ba loko Mawu bu wa nɛ̃ Abraham dalɔ ɔ? E ní tsumi ɔ nya! Ejakaa e ngɔ e bi Isak kɛ fɔ bɔ sami la tɛ ɔ nɔ kaa e kɛ maa sã bɔ ha Mawu.

Yakobo 2:25

Yo ajuama a nɛ a tsɛɛ lɛ Rahab ɔ, lɛ hu ja nɔuu. Mawu da nɔ́ nɛ e pee ɔ nɔ kɛ bu lɛ dalɔ. Israel bi ɔmɛ nɛ a tsɔ kɛ ya slaa zugba a nigii ɔ, Rahab he mɛ atuu; nɛ lɔ ɔ se ɔ, e tsɔɔ mɛ blɔ, nɛ a gu he kpa kɛ je slɔkee.

Yakobo 5:10

Ye nyɛmimɛ, gbali ɔmɛ nɛ fiɛ munyu ɔ ngɛ Nyɔmtsɛ ɔ biɛ mi ɔ to a tsui si wawɛɛ kɛ na amanehlu. Nyɛ ha nɛ a pee nɔ hyɛmi nɔ́ ha nyɛ.

1 Petro 3:6

Sara nitsɛ pee jã; e bu Abraham, nɛ e tsɛ lɛ e nyɔmtsɛ. Amlɔ nɛ ɔ, nyɛ peeɔ Sara bimɛ, ke nyɛ peeɔ kpakpa nɛ nyɛ yi nɔ́ ko nɔ́ ko gbeye ɔ.