Lahi 1:6 - BAIBLO ALOO NGMAMI KLƆUKLƆU Ɔ

⁶ Nyɛ ko hyɛ mi maa ngɛ yumi nɛ i yu ɔ he; pu la nɛ pee ye he womi ja. Ye nyɛminyumu ɔmɛ a mi mi fu mi, nɛ a ha i ya tsu ní ngɛ wai ngmɔ ɔmɛ a mi. I na we deka ko kulaa kɛ ha ye nɔmlɔ tso ɔ.

Lahi 1:6 ပူးပေါင်းရင်းမြစ်များ

Hiob 30:30

Ye he womi pee tuu, nɛ ye wuhi a he dɔ la.

La 69:8

I plɛ pee nubwɔ ha ye nyɛmimɛ; i plɛ pee nɔ kpa ngɛ ye weku li a kpɛti.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yeremia 8:21

Bɔ nɛ ye ma mi bi ɔmɛ a he mi ngɛ mɛ hiae ɔ, ja nɔuu imi hu ye he mi ngɛ mi hiae. Ye ywilɛ ho ye he; gbeye kɛ sawale nu mi.

Kɔmɔ Yemi 4:8

Se jehanɛ lɛɛ, a hɛ mi yuɔ pe kutu sisi. A yo we mɛ ngɛ gbɛjegbɛ ɔmɛ a nɔ. A ta he lo; a je wu, nɛ a pee kaa tso gbigbli.

Mika 7:6

Ejakaa be nɛ ɔmɛ a mi ɔ, binyumuhi bui a tsɛmɛ hu; biyihi teɔ si kɛ woɔ a nyɛmɛ, nɛ nganyɛmɛ teɔ si kɛ woɔ nganyɛmɛ. Nɔmlɔ adesa he nyɛli ji lɛ nitsɛ e we mi bi.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Mateo 10:25

Lɔ ɔ he ɔ, ke kaselɔ, kɛ e tsɔɔlɔ ba sɔ ɔ, lɔ ɔ kɛkɛ hiɛ ha lɛ. Nyɔguɛ hu, ke e kɛ e nyɔmtsɛ ba sɔ ɔ, lɛ hu lɔ ɔ kɛkɛ hiɛ ha lɛ. Ke a tsɛ wetsɛ ɔ Beelzebul ɔ, e we mi bi ɔmɛ lɛɛ a ma tsɛ mɛ biɛ yaya pe jã po!

Marko 4:6

Se benɛ pu je ɔ, e sã mɛ nɛ a ngla, ejakaa a be sipoku nɛ ya zu mi bɔ nɛ sa.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Galatabi 4:29

Jamɛ a be ɔ mi ɔ, nɔ nɛ a fɔ lɛ kaa a fɔɔ adesa kɛkɛ ɔ wa nɔ nɛ a wo e he si loko a fɔ lɛ ɔ yi mi. Ja nɔuu e ngɛ mwɔnɛmwɔnɛ ɔ hulɔ.