Lahi 1:5 - BAIBLO ALOO NGMAMI KLƆUKLƆU Ɔ

⁵ Nyɛ Yerusalem yihewi! I yuɔ, nɛ ye he ngɛ fɛu saminyayoo. I ngɛ kaa bo tsu nɛ ngɛ Kedar a. Ye he fɛu ɔ, Matsɛ Salomo mɔ ɔ mi tsu mi pomi bo ɔmɛ a he fɛu ɔ pɛ a kɛ maa to he.

Lahi 1:5 ပူးပေါင်းရင်းမြစ်များ

La 120:5

Ye yi fi pɛ! Hyɛ kaa i ba to nubwɔ ngɛ Meshek; nɛ i ngɛ Kedar bi a ma mi!

La 149:4

Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

Lahi 2:14

O ngɛ kaa lahuɛ nɛ ya laa e he ngɛ tɛ sa puɔ mi. Ha nɛ ma na o hɛ mi. O he ngɛ fɛu loo. Ha nɛ ma nu o gbi. O gbi ngɔɔ loo!

Lahi 2:7

Yerusalem yihi, nyɛɛ wo mi si; nyɛ ka mi kita kaa nyɛ na odabɔ nɛ he sɔɔ, kɛ batslɔɔ kaa nyɛ be ye suɔlɔ ɔ tsɛe kɛ yaa si be nɛ lɛ nitsɛ e maa te si.

Lahi 3:10

A ha si mami tso ɔmɛ a he sika hiɔ; bo nɛ a kɛ sika tsu lo ní kɛ wo mi nɛ a kɛ ha tsokpo ɔ nitsɛ he; nɛ he nɛ a hii ɔ lɛɛ bo he jua wawɛ nɛ hɛɛ alamua tu su a kɛ ha lejɛ ɔ. Bo nɛ a kɛ dla tsokpo ɔ mi ɔ, Yerusalem yi ɔmɛ lɛ a lo ní saminyawiiwi kɛ wo mi.

Lahi 3:5

Yerusalem yihi, nyɛɛ wo mi si! Nyɛ ka mi kita kaa nyɛ na odabɔ nɛ he sɔɔ, kɛ batslɔɔ kaa nyɛ be ye suɔlɔ ɔ tsɛe kɛ yaa si be nɛ lɛ nitsɛ e maa te si.

Lahi 4:3

O nya lo ngɛ kaa kpa tsu. Ke o pa o nya mi nɛ o maa tu munyu ɔ, e ngɛ fɛu kɛkɛ. O tsitsa ngɛ tsɛ̃e ngɛ o hɛ mi hami nɔ́ ɔ se.

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Lahi 5:8

Yerusalem yihi, nyɛ ka mi kita kaa ke nyɛ na ye suɔlɔ ɔ, nyɛ ma de lɛ ke e he suɔmi ngɛ mi gbee.

Lahi 6:4

Ye suɔlɔ, o he ngɛ fɛu kaa Yerusalem; o he ngɛ akɔnɔ kaa Tirza ma a. O nu ye tsui kaa nɔ́ nɛ aflaangaa ngɛ tabo yi.

Lahi 8:4

Yerusalem yihi, nyɛɛ wo mi si kaa nyɛ be ye suɔlɔ ɔ tsɛe kɛ yaa si be nɛ lɛ nitsɛ e maa te si.

Yesaya 21:16

Kɛkɛ nɛ Yawɛ de mi ke, “Hiɛmɛ nɛ ɔ jeha kake pɛpɛɛpɛ ɔ, Kedar weku ɔmɛ a he wami ɔ se maa po.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Yesaya 60:7

A ma bua Kedar tohi tsuo a nya kɛ ba ha mo, konɛ o kɛ sã bɔ. A kɛ Nebayot agbosuhi ma ba sã bɔ nɛ maa sa Yawɛ hɛ mi ngɛ bɔ sami la tɛ ɔ nɔ. Kɛkɛ ɔ, Yawɛ maa wo e we klɔuklɔu ɔ hɛ mi nyami babauu pe daa a.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Ezekiel 16:14

O he pee fɛu kɛ pi si, nɛ o he biɛ ngɛ je ɔ mi tsuo; ejakaa imi nitsɛ lɛ i dla o he ha mo ja.” Nyɔmtsɛ Yawɛ lɛ de.

Ezekiel 27:21

Arabia bi kɛ Kedar ganɔ ɔmɛ tsuo o kɛ mɛ ye jua; mɛɛ níhi nɛ a kɛ woɔ hiɔ ji agbosuhi, jijɔhi, kɛ akpakpohi.

Mateo 10:25

Lɔ ɔ he ɔ, ke kaselɔ, kɛ e tsɔɔlɔ ba sɔ ɔ, lɔ ɔ kɛkɛ hiɛ ha lɛ. Nyɔguɛ hu, ke e kɛ e nyɔmtsɛ ba sɔ ɔ, lɛ hu lɔ ɔ kɛkɛ hiɛ ha lɛ. Ke a tsɛ wetsɛ ɔ Beelzebul ɔ, e we mi bi ɔmɛ lɛɛ a ma tsɛ mɛ biɛ yaya pe jã po!

Mateo 22:11

“Se benɛ matsɛ ɔ ba nɛ e ba hyɛ nihi nɛ a kpee ɔ, e na nyumu ko ngɛ lejɛ ɔ nɛ lɛɛ e wui yo kpeemi tade.

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Luka 15:22

Se e tsɛ ɔ de sɔmɔli ɔmɛ ke, ‘Nyɛ ya je tade klɔii saminyayoo ɔ kɛ ba wo lɛ esɔ. Nyɛɛ wo e nine nguɛ ga, kɛ e nane tokota.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

1 Yohane 3:1

Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.